Jak paviedamiła karespandentu BIEŁTA krynica ŭ biełaruskaj delehacyi, cana na rasijski pryrodny haz na 2009 hod ŭzhodniena na całkam prymalnych dla Biełarusi ŭmovach.
Alaksandr Łukašenka viarnuŭsia ŭ Minsk z Maskvy, dzie jon pravioŭ pieramovy ź Dźmitryjem Miadźviedzievym. Nijakija kankretnyja vyniki sustrečy nie ahučvajucca. Zastajecca hadać, čamu. Viadoma adno:
jak paviedamiła karespandentu BIEŁTA krynica ŭ biełaruskaj delehacyi, jakaja supravadžała kiraŭnika Biełarusi na pierahavorach u Maskvie, cana na rasijski pryrodny haz na 2009 hod ŭzhodniena na całkam prymalnych dla Biełarusi ŭmovach.
«Pa tych pytańniach, jakija abmiarkoŭvalisia na sustrečy prezidentaŭ dźviuch krain, uklučajučy pytańni vajenna‑techničnaha supracoŭnictva, pryniaty adpaviednyja rašeńni, jakija buduć dakumientalna aformleny na zapłanavanym na kaniec studzienia pasiadžeńni vyšejšaje dziaržrady», — padkreśliŭ surazmoŭca.
Paradak dnia majučaha adbycca VDS prapanavany biełaruskim bokam, zajaviŭ jon.
Zatoje rasijski bok admoŭčvajecca. Takaja voś sakretnaja dypłamatyja na roŭnym, zdavałasia b, miescy.
Raniej paviedamlałasia, što biełaruski bok patrabavaŭ čarhovaha kredytu, na 3,5 młrd dalaraŭ, a Maskva ŭzamien - pryznańnia Abchazii i prodažu Biełtranshazu raniej mierkavanych terminaŭ.
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha3
Kamientary