Łukašenka ŭ Sočy kataŭsia na aŭstryjskich łyžach ručnoj raboty. Košt takich łyž 2 300 jeŭra
13 lutaha Łukašenka pakataŭsia na hornych łyžach u Sočy. A Kamsamołka pahladzieła, jakomu ryštynku jon addaje pieravahu.
Łukašenka byŭ u čornym łyžnym kaściumie japonskaj firmy Descente. Praŭda, niekalki «ciuninhavanym»: na hrudziach pryšyty hierb Biełarusi, a na plačy łahatyp biełaruskaha Nacyjanalnaha alimpijskaha kamiteta. Jon kataŭsia biez šlema - na hałavie była ciomna-siniaja šapačka ź linii adzieńnia Darji Domračavaj — takaja kaštuje ŭsiaho 40 rubloŭ. Maska — znakamitaj niamieckaj firmy Bogner.
Asobnaj uvahi zasłuhoŭvajuć hornyja łyžy, na jakich kataŭsia Łukašenka. Jany —ručnoj pracy. Ich rabiła aŭstryjskaja firma Volant - heta padraździaleńnie viadomaha vytvorcy łyž Atomic.
Madel, na jakoj kataŭsia Łukašenka nazyvajecca Volant Pure Black madelnaha šerahu 2015 hoda. U ich kanstrukcyi - naturalnaje dreva, nieržaviejučaja stal, karbonavyja ŭstaŭki. Takija łyžy dazvalajuć dasiahnuć vialikaj płyŭnaści na vysokich chutkaściach i składanym reljefie, zabiaśpiečvajučy lohki spusk. Košt takich łyžaŭ — 2300 jeŭra.
- Heta ž samyja materyjały i inavacyjnyja dyzajny pieratvarajucca ŭ šedeŭry unikalnaj pryhažości, - zajaŭlaje vytvorca.
Dla paraŭnańnia: zvyčajnyja łyžy znakamitych vytvorcaŭ - takich jak Atomic, Fischer, Head, Rossignol - kaštujuć 200-400 jeŭra.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary