Arcybiskup Tadevuš Kandrusievič błasłaviŭ zvany, jakija ciapier buduć sklikać na malitvu ŭ Čyrvony kaścioł u Minsku FOTY
Na viežy Čyrvonaha kaścioła ŭ Minsku 17 lutaha mitrapalit Minska-Mahiloŭski, arcybiskup Tadevuš Kandrusievič błasłaviŭ try novyja zvany, jakija z hetaha času buduć rehularna sklikać viernikaŭ na malitvu ŭ Čyrvony kaścioł u Minsku paviedamlaje catholic.by.
Try zvany — zvon Alimpii, Symona i Aleny, zvon Słuhi Božaha Edvarda Vajniłoviča i zvon Michała Archanioła — byli adlityja polskaj firmaj Rduch, udakładniaje krynica.info.
Jak adznačyŭ arcybiskup, zvany — heta nie tolki pryhožy muzyčny instrumient, ale, pierš za ŭsio znak jevanhielizacyi, jaki abudžaje čałaviečaje sumleńnie, zaklikaje da malitvy.
U savieckija časy histaryčnyja zvany byli źniatyja z Čyrvonaha kaścioła, adznačyŭ jon. Padzieja błahasłaŭleńnia novych zvanoŭ u Čyrvonym kaściole, dadaŭ arcybiskup, stała mahčymaj dziakujučy starańniam probašča ks. kanonika Uładzisłava Zavalniuka, ks. prełata Andreja Steckieviča, achviarnaści hetaj parafii i sponsaraŭ.
Probašč parafii sv. Symona i sv. Aleny ks. kanonik Uładzisłaŭ Zavalniuk ščyra padziakavaŭ usim achviaradaŭcam, za čyje srodki ŭ Polščy firmaj Jana Felčynskaha, jakaja śpiecyjalizujecca na kaściolnych zvanach, byli adlityja try zvany dla Čyrvonaha kaścioła.
Pry hetym probašč asabliva padkreśliŭ, što hrošy na zvany achviaravali nie tolki katoliki, ale i pravasłaŭnyja: «Pierazvon zvanoŭ — supolnaja tradycyja ŭ Kaściole i ŭ Carkvie. Zvany aśviačajuć i jadnajuć katolikaŭ i pravasłaŭnych»,— pranikniona śćvierdziŭ śviatar.
Paśla błasłaŭleńnia zvanoŭ arcybiskup Tadevuš Kandrusievič, stojačy na ŭzvyššy pierad kaściołam, uračysta inaŭhuravaŭ ich pieršy ŭračysty pierazvon.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?8
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3131
Kamientary