U Dziciačym ankałahičnym centry, što ŭ Baraŭlanach, prajšoŭ dabračynny kaladny kancert.
***
Ciaham dvuch papiarednich tydniaŭ kožny achvotny moh vybrać imia dziciaci sa śpisu, raźmieščanaha na našym sajcie, dy zrabić jamu navahodni padarunak. A potym pieradać jaho ŭ centr cieraz našych kaardynataraŭ.
Svaich maleńkich uładalnikaŭ znajšli bolš za 500 padarunkaŭ, kłapatliva zapakavanych i padpisanych Vašymi rukami.
Ale jakoje śviata biez kłoŭnaŭ i fokuśnikaŭ?
Kab kančatkova raźviejać balničnuju atmaśfieru i chacia b krychu ablehčyć šeryja budni, aproč padarunkaŭ dzietak čakaŭ samy sapraŭdny śviatočny kancert.
U im uziali ŭdzieł fokuśnik Piotr Stasievič, kłoŭny Kasia i Ryžaja, Hanna Kłer i lalka Haryk ad NETradio, a dla baćkoŭ, jakija žyvuć sa svaimi dziećmi ŭ Baraŭlanach, padarunkam staŭ vystup śpiavački Volhi Płotnikavaj, Vitala Artysta («beZbileta») dy Piatra Jałfimava.
Tych ža dziaciej, jakija z tych ci inšych pryčyn nie zmahli pryjści na kancert artysty razam z samym sapraŭdnym Dziedam Marozam pavinšavali prosta ŭ pałatach. Mnohija dzieci staranna rychtavalisia da pryjezdu Dzieda Maroza, sustreli jaho vieršykami i ŭzajemnymi padarunkami.
Niekatoryja dzietki, jakija byli zhadanyja ŭ śpisach, na ščaście, zmohuć sustreć Novy hod doma, siarod rodnych i blizkich. Padrychtavanyja dla ich padarunki buduć čakać svaich haspadaroŭ u centry pad nahladam piedahohaŭ i psichołahaŭ adździaleńniaŭ i abaviazkova patrapiać ŭ ruki tych, chto kaho jany zroblenyja.
Dziakujučy vialikamu zapasu «nieimiannych» padarunkaŭ, my zdoleli pavinšavać i tych 70 dziaciej, jakija tolki pastupili ŭ centr.
Tamu z poŭnaj upeŭnienaściu my možam skazać, što biez padarunkaŭ nie zastałosia nivodnaje dzicia.
Vialiki dziakuj usim tym, što pačuŭ našu prośbu i zrabiŭ svoj pasilny ŭniosak! Bo maleńkim nasielnikam centra, taksama jak i ich baćkam, było vielmi pryjemna, što pra ich dumajuć i kłapociacca.
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym6
Kamientary