U Siecivie źjaviłasia «Kalco patryjatyčnych resursaŭ Biełarusi».
U Siecivie źjaviłasia «Kalco patryjatyčnych resursaŭ Biełarusi».
Sajt «Usia Biełaruś» («Kalco patryjatyčnych resursaŭ Biełarusi») prezientuje siabie, jak resurs, stvorany biełarusami dla biełarusaŭ. Zrobleny jon «prostymi patryjotami Biełarusi». Pry hetym ŭ dužkach robicca ŭdakładnieńnie: ni Małady front, ni BRSM, ni KPB, ni PKB. Mety ŭ apalityčnych patryjotaŭ dosyć ambicyjnyja — dać suhramadzianam abjektyŭnuju niezaležnuju infarmacyju i mahčymaść padzialicca infarmacyjaj ź inšymi, abaranić intaresy, ład i tradycyi Biełarusi ŭ Siecivie.
«Nam nadakučyŭ brud, što vylivajecca ŭ Siecivie na našu Radzimu, nam nadakučyła tatalnaja cenzura «demakratyčnych» sajtaŭ typu Chartyi i h.d.» — pišuć u svaim manifeście «patryjoty».
I abiacajuć «voraham» Biełarusi «pryncyp lusterka»: «u adkaz na šmatlikaja naskoki na Biełaruś my prosta abaviazanyja padychodzić da našych krytykaŭ i krainaŭ, jakija jany pradstaŭlajuć, albo staviać u prykład, z toj ža mieraj, što i jany da nas». Z hetaj zadačaj, hledziačy pa zahałoŭkach artykułaŭ, «Usia Biełaruś» z pośpiecham spraŭlajecca.
Voś niekatoryja z nazvaŭ opusaŭ: «Nu prosto čudoviŝnyje rieprieśsii - oppa-zapadoida chotiat zabrať v armiju :)», «Kuropaty: idieołohičieskaja diviersija», «Tupiejuŝaja Amierika!!!», «Tvorcy diviersii protiv Rośsii».Źviartaje na siabie ŭvahu azdableńnie sajtu — vykarystańnie aficyjnaha arnamientu i koleraŭ, u šapcy spałučanyja vyjavy Staroha Miensku, Nacyjanalnaj biblijateki i frahmientu hraviury Hrunvaldskaj bitvy. Raździeły sajtu, za vyniatkam «aniekdotaŭ», pakul nie napoŭnienyja.
Na siońnia «Kalco patryjatyčnych resursaŭ Biełarusi» abjadnoŭvaje 23 resursy, siarod jakich — «Russkoje bratstvo», «Pravosłavnyj Kijev'», «Patriot pomoŕja», a taksama sajty Minskaha suvoraŭskaj vučelni i Minskaha harkamu KPB. Niekatoryja «patryjatyčnyja» resursy vyhladajuć sajtami-adnadzionkami, jak naprykład Istorija Biełarusi dy Biełorusskij sport. Siarod partnioraŭ sajtu — anałahičny rasijski resurs, u jakoha stvaralniki «Usioj Biełarusi» najchutčej i pazyčyli hetuju ideju.
Aryštavany 75‑hadovy Źmicier Sańko — vieteran-vydaviec3
Kamientary