21-hadovy mužčyna syšoŭ z domu paśla abiedu 27 lutaha. Jak kažuć miascovyja žychary, Stanisłava Biecia znajšli paviešanym. Jak raskazała jahonaja siastra, jon letaś skončyŭ Akademiju MUS, pracavaŭ u Staŭbcoŭskim rajonnym adździele ŭnutranych spraŭ (Minskaja vobłaść).
Znajomyja Stanisłava raskazali radyjo Svaboda, što apošnija nočy pierad źniknieńniem jon pravodziŭ na pracy, nie načavaŭ u pakoi, jaki zdymaŭ.
Cieła Stanisłava Biecia znajšli ŭ lesie niepadalok ad siadziby ŭpraŭleńnia «Stoŭbcyhaz», na vyjeździe z horada, kala vioski Kankałovičy, paviedamiŭ znajomy Stanisłava Biecia.
U zahinułaha była staronka Ukantakcie, ale pad inšym imieniem. Apošni vizit na joj zafiksavany a 15.36, heta pryblizna toj čas, kali cieła śledčaha znajšli. Jašče ŭčora, pavodle znajomych Stanisłava Biecia, na hetaj staroncy byŭ źmiest, ciapier jana całkam pustaja.
Abłasnaja milicyja paviedamiła, što mužčyna «zahinuŭ». Adnosna zdareńnia pravodzicca pravierka.
Mužčynu šukali i milicyjanty, i vałanciorski atrad «Anioł». 4 sakavika Stanisłavu Bieciu spoŭniłasia b 22 hady. Jon naradziŭsia i vyras u vioscy Dzieraŭnaja Staŭbcoŭskaha rajona.
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary