Zatrymali jašče troch udzielnikaŭ akcyi salidarnaści z palitviaźniami
4 sakavika ŭ Miensku zatrymali troch udzielnikaŭ akcyi ŭ padtrymku palitviaźniaŭ, jakaja prajšła na Kastryčnickaj płoščy 26 lutaha, piša «Radyjo Svaboda».
Aleś Abramovič, były pradprymalnik, hramadzianski aktyvist z Barysava, paśpieŭ paviedamić pra svajo zatrymańje.
«Mianie vyklikali pozvaj u Centralny RUUS Miensku i tut zatrymali. Skłali na mianie pratakoł za ŭdzieł u akcyi salidarnaści», — paśpieŭ skazać Aleś Abramovič praz telefon karespandentu Svabody.
Uviečary 4 sakavika Alesia Abramoviča sud Centralnaha rajonu pakaraŭ štrafam u 1020 rubloŭ (40 bazavych vieličyniaŭ).
Siońnia ž u Miensku zatrymali jašče dvuch udzielnikaŭ akcyi — Andreja Kašeŭskaha z Žodzina i byłoha palitviaźnia Mikałaja Dziadka.
Andreja Kašeŭskaha advieźli ŭ Centralny RUUS stalicy.
Mikałaja Dziadka zatrymali ŭ budynku Frunzienskaha rajonnaha sudu adrazu paśla taho, jak aštrafavali za dopis u sacsietkach.
Raniej za ŭdzieł u akcyi ŭžo pakarali piaciora čałaviek.
1 sakavika za zakliki da akcyi byŭ asudžany na 10 sutak administracyjnaha aryštu sustaršynia BCHD Pavał Sieviaryniec.
U toj ža dzień štrafy ad 40 da 45 bazavych vieličyń atrymali za ŭdzieł u akcyi aktyvisty Arciom Čarniak, Volha Mikałajčyk, Leanid Kułakoŭ i Maja Navumava. Aktyvistaŭ sudzili ŭ Centralnym rajonnym sudzie Miensku.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary