Inviestprahramaj Minska ŭ hetym hodzie praduhledžany znos niekalkich abjektaŭ niezavieršanaha budaŭnictva ŭ Frunzienskim rajonie, paviedamlaje karespandent ahienctva «Minsk-Naviny».
Havorka idzie pra try daŭhabudy, uźviadzieńnie jakich spyniłasia praktyčna na pačatkovaj stadyi. U minułym hodzie ŭčastki kanfiskavali ŭ zabudoŭščykaŭ, ciapier terytoryju treba budzie pryvieści ŭ pieršapačatkovy vyhlad.
Adnym z samych viadomych daŭhabudaŭ rajona možna ličyć tak i nie zbudavany šmatfunkcyjanalny kompleks «JeŭraSici» na vuł. Prytyckaha niedaloka ad pierasiačeńnia z vuł. Cimašenki. Tut, pa zadumcy inviestaraŭ, pavinien byŭ vyraści handlova-zabaŭlalny centr, apart-hatel, biznes-centr, parkinh.
Adnak budaŭnictva nie vyjšła navat z tak zvanaha nulavoha cykłu. Usio spyniłasia na ŭzroŭni pal. Ciapier raspracavany prajekt znosu kanstrukcyj i dobraŭparadkavańnia terytoryi. Miarkujecca, što ŭ červieni ŭčastak užo budzie volny. U pierśpiektyvie jaho płanujecca vystavić na aŭkcyjon, bo horad nie źmianiŭ svaich płanaŭ pa budaŭnictvie abjekta na hetym miescy.
Druhi daŭhabud raźmieščany na vuł. Łabanka za handlovym centram. Kaliści tut pačynałasia ŭźviadzieńnie šmatfunkcyjanalnaha handlovaha centra. Budaŭnictva taksama słaba prasunułasia paśla startu. Ciapier učastak treba budzie vyzvalić ad kanstrukcyj. Śpiecyjalisty «Minskhrada» prapanujuć na miescy daŭhabuda raźmiaścić sacyjalna značny abjekt, nie vyklučana, što heta moža być paliklinika.
Trecim punktam na karcie rajona, jaki vyzvalicca ad niezavieršanaha abjekta, stanie skryžavańnie vuł. Cimašenki i Čyčuryna, dzie ŭ svoj čas zadumvaŭsia šmatuzroŭnievy haraž-stajanka na 300 mašyna-miescaŭ z kompleksam handlova-bytavoha absłuhoŭvańnia.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary