U kałumbijskim horadzie Barankilja naradziłasia dziaŭčynka, usiaredzinie jakoj znachodziłasia jaje siastra-bliźniuk. Ab redkaj patałohii hiniekołah-akušer Mihiel Para-Saaviedra raspavioŭ miascovamu časopisu The Herald.
Adchileńnie daktary zaŭvažyli na 35 tydni ciažarnaści padčas 3D / 4D UHD — jano dazvalaje atrymać abjomny malunak płodu i panazirać za jaho ruchami. Spačatku daktary vykazali zdahadku, što ŭ dziaŭčynki kista ŭ vobłaści piečani, ale dalejšaje abśledavańnie pakazała, što ŭnutry jaje raźvivajecca druhoje dzicia.
Kab paźbiehnuć paškodžańnia ŭnutranych orhanaŭ dziaŭčynki pry roście bliźniuka, na 37 tydni ciažarnaści daktary praviali maci kiesarava siačeńnie. Dniom paźniej jany praapieravali dziaŭčynku i vyniali ź jaje bliźniuka-parazita daŭžynioj u 4,5 sm. U siastry nie było ni serca, ni mozhu, ale mielisia ruki, nohi i ŭłasnaja pupavina, jakaja złučała jaje ź dziaŭčynkaj. Kali daktary jaje pierarezali, bliźniuk zahinuŭ.
Sama dziaŭčynka, Icamara, užo praź miesiac adčuvała siabie dobra. Najaŭnaść bliźniuka-parazita nie adbiłasia na jaje zdaroŭi, a ad apieracyi nie zastałosia šnaraŭ.
Fienomien fetus in fetu, embryjon u embryjonie, byŭ upieršyniu apisany ŭ 1808 hodzie. Heta redkaja patałohija, jakaja ŭźnikaje z častatoj 1 z 500 000 vypadkaŭ.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary