U jaje ŭvajšli dakumienty ad Lutaŭskaj revalucyi 1917 h da padziej, zusim blizkich pa časie. Apošni dakumient, prykładam, datavany sakavikom 2006 hoda.
Vydaviectva Jeŭrapiejskaha humanitarnaha univiersiteta vypuściła jašče adnu chrestamatyju pa historyi Biełarusi, zbornik «Historyja Biełarusi najnoŭšaha času ŭ dakumientach i materyjałach» (składalnik — kandydat histaryčnych navuk Juryj Bačyšča, navukovy redaktar — Aleś Smalančuk).
Pieršaja chrestamatyja z hetaj sieryi «Historyja Biełarusi kanca XVIII — pačatku XX st. u dakumientach i materyjałach» pabačyła śviet u lutym 2007 h.
U piać raździełaŭ, što apisvajuć asnoŭnyja etapy historyi biełaruskaha narodu, uvajšli dakumienty ad Lutaŭskaj revalucyi 1917 h da padziej, zusim blizkich pa časie. Apošni dakumient, prykładam, datavany sakavikom 2006 hoda.
Aŭtar-składalnik zaznačaje, što dakumienty dla chrestamatyi bralisia z roznych krynic, ale akcent rabiŭsia na ŭviadzieńnie ŭ kantekst małaviadomych dakumientaŭ i materyjałaŭ.
Ju. Bačyšča pry padrychtoŭcy karystaŭsia nie tolki biełaruskimi archivami, ale i archivami Litvy.
Siarod inšaha, cytujecca hałoŭnaja hazieta biełaruskich emihrantaŭ «Biełarus» (Ńju‑Jork), a taksama «Hutarki», što padpolna samatuham vydavaŭ u 1970‑yja Mikoła Jermałovič.
Pres‑słužba EHU zaznačaje, što ŭ Vilni knihu možna nabyć u asistenta univiersiteta ŭ administracyjnym korpusie EHU (vuł. Tauro, 12, 2-hi pavierch) i ŭ biblijatecy EHU (vuł. Vałakupiu, 5, 1 pavierch, aŭd. 114), a taksama ŭ vilenskaj kramie «Akadiemičnaja kniha».
Nakont nabyćcia knihi ŭ inšych krainach prosiać źviartacca na [email protected].
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary