Vučanica aŭtaškoły: «Nie mahła hod trapić na zaniatki, bo instruktar admaŭlajecca zajmacca ź dziaŭčatami»
U Maładziečnie niekatorym daviałosia čakać amal hod, kab prajści padrychtoŭku kiroŭcaŭ katehoryi «A» (matacykły).
Jak raskazała «Našaj Ninie» adna z vučanic aŭtaškoły, tak adbyłosia tamu, što instruktar… nie choča vučyć dziaŭčat.
«Ja zapisvałasia na kursy jašče ŭ mai 2018 hoda. Mnie skazali, što jak tolki budzie volnaje miesca ŭ hrupie, mnie patelefanujuć. Ale prajšoŭ hod, a zvanka z DTSAAF (Dobraachvotnaje tavarystva sadziejničańnia armii, avijacyi i fłotu) ja tak i nie atrymała. Zatoje moj znajomy chłopiec zapisaŭsia miesiac tamu, i ŭžo mnie pachvaliŭsia, što ŭ ich hrupie pačalisia zaniatki».
Jak vyśvietliła dziaŭčyna, tak adbyłosia tamu, što instruktar aŭtaškoły sam padrychtavaŭ sabie śpis vučniaŭ, papiarednie prybraŭšy ź jaho žanočyja proźviščy.
«Mnie skazali, što Hienadź Nikadzimavič, tak zavuć instruktara, nie choča vučyć dziaŭčat jeździć na matacykle, bo letaś «hetyja kury raźbili dva matacykły», — tłumačyć jana.
Hienadź Budźko pracuje ŭ aŭtaškole DTSAAF instruktaram ad 2006 hoda.
«Nu niapraŭda, što ja vybiraju, kaho vučyć, kaho nie. Što matacykły raźbili, było takoje… Ale nie budu śćviardžać, što pa vinie dziaŭčat. Prychodziać, vučacca. I vy prychodźcie, i vas navuču», — adkazaŭ «Našaj Ninie» instruktar.
Kiraŭnictva aŭtaškoły tłumačyć, što naboru na kursy katehoryi «A» nie było amal hod, bo adsutničaŭ svabodny instruktar. A zimoj DAI nie prymaje ekzamieny na matacykłach.
«Ciapier ža my pa śpisie patelefanavali tym, chto zapisvaŭsia hod tamu. Hrupa nievialikaja, usiaho dziesiać čałaviek. Ź ich — dźvie dziaŭčyny», — adkazali ŭ aŭtaškole.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j10
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary