U zajavie, jakuju apublikavała pres-słužba kamandavańnia ŭ Afrycy, adznačajecca, što Liviju pakidaje vajskovy piersanał, jaki zadziejničany ŭ achovie dypłamatyčnych misij, akazvaje dapamohu uładam u baraćbie z teraryzmam i ŭmacavańni stabilnaści ŭ rehijonie.
Amierykanskija vajskoŭcy pakazali, što ZŠA praciahvajuć uvažliva sačyć za situacyjaj. Pry hetym kamandujučy siłami marskoj piachoty ŭ Afrycy Tomas Valdchaŭzier nazvaŭ stanovišča ŭ krainie «składanym i niepradkazalnym».
Taksama amierykanskija vajskoŭcy zajavili, što praciahnuć padtrymlivać narod i ŭrad Livii.
Rašeńnie afrykanskaha kamandavańnia armii ZŠA było pryniata paśla pačatku nastupu na Trypali sił fieldmaršała Chalify Chaftara. Apošni zajaviŭ ab rašučaści ačyścić stalicu Livii ad «terarystaŭ». Mienavita tak jon acharaktaryzavaŭ ŭrad nacyjanalnaj zhody, jaki padtrymlivajuć krainy Zachadu.
Kamientary