Parłamient prymaje ŭ pieršym čytańni źmianieńni ŭ zakony pa pytańniach pachavańnia i pachavalnaj spravy, piša Tut.by.
Kali źmieny ŭstupiać u siłu, u Biełarusi budzie ŭviedziena zabarona za pachavańnie sposabam, nie praduhledžanym zakonam ab pachavańni. Naprykład, nielha budzie raźviejvać prach pamierłaha.
Abaviazak pa ŭtrymańni ŭ «naležnym stanie» ŭčastka dla pachavańnia abo miesca ŭ kałumbaryi zakonaprajekt prapanoŭvaje ŭskłaści u tym liku na taho, chto staviŭ nadmahilny pomnik.
Z troch dzion da adnaho, pa źmienach, skaračajecca termin pachavańnia pamierłych, čyja asoba nie ŭstanoŭlena.
Uvodziacca terminy «brackaja mahiła», «hrupavaja mahiła», «ahulnaja mahiła», «pierapachavańnie» i «siamiejny kałumbaryj».
Taksama abmiarkoŭvajecca mahčymaść zamiest ŭstanoŭki nadmahilnaha pomnika peŭnaha ŭzoru Hierojam SSSR, Biełarusi, Hierojam Sacpracy, poŭnym kavaleram ordena Ajčyny, Słavy, Pracoŭnaj Słavy za biudžetnyja hrošy vypłačvać kampiensacyju rodnym pamierłaha.
Źmieny ŭ zakony pryniatyja ŭ pieršym čytańni.
Ciapier čytajuć
Jak u halečy śpivałasia radnia Łukašenki? Małaviadomyja fakty48
Kamientary