Aŭstryjski čynoŭnik pojdzie ŭ adstaŭku. Jon napisaŭ vierš, u jakim paraŭnaŭ mihrantaŭ z pacukami
Vice-kancler Aŭstryi zajaviŭ, što siabra jaho partyi sydzie ŭ adstaŭku paśla paraŭnańnia mihrantaŭ z pacukami, paviedamlaje AP.
Čynoŭnik pakinie Partyju svabody i sydzie ŭ adstaŭku z pasady namieśnika mera Braŭnaŭ-am-In.
Pieśnia pad nazvaj «Haradski pacuk» źjaviłasia ŭ miascovym vydańni Partyi svabody ŭ Braŭnaŭ. U vieršy jość pieraściaroha suprać źmiešvańnia kultur.
«Hetak ža, jak my žyviem tut, inšyja pacuki, (jakija pryjšli) u jakaści haściej abo mihrantaŭ, pavinny prytrymlivacca našaha ładu žyćcia! Ci chutka pajści preč adsiul!» — havorycca ŭ vieršy.
Kancler krainy Siebaśćian Kurc zapatrabavaŭ, kab partyja admiežavałasia ad hetaha vierša.
Kamientary