Rasijskija dypłamaty i kazaki naviedali «Fiestyval słavianskich bajavych mastactvaŭ» pad Hrodnam FOTA
U majontku Karobčycy prajšoŭ XIX Fiestyval słavianskich bajavych mastactvaŭ «Niomanski rubiež». U padziei ŭdzielničali rasijskija i biełaruskija «kazaki», bajcy padraździaleńniaŭ ministerstvaŭ abarony i ŭnutranych spraŭ Biełarusi, školniki z vajskova-patryjatyčnych kłubaŭ i prychilniki «słaviana-aryjskich» teoryj, piša «Biełsat». Mierapryjemstva błasłaviŭ pravasłaŭny śviatar, a ŭdzieł uziali rasijskija dypłamaty i supracoŭniki «Rassupracoŭnictva», a taksama lidary prarasijskich arhanizacyj.
Hetyja festy ŭ Hrodnie pravodziacca ŭžo nie pieršy hod. Tradycyjny arhanizatar — kiraŭnik «Niomanskaha kazactva» i kłuba «Arydan» pry Hrodzienskim dziaržaŭnym univiersitecie imia Janki Kupały Uładzimir Adamaŭ.
Raniej ułady davali festu placoŭku to ŭ parku Žylibiera, to na Kurhanie Słavy, ciapier ža adpravili za horad, tamu i naviednikaŭ było nie tak šmat.
U prezidyumie siadzieli niekalki kazakaŭ u siniaj formie, siarod ich — sam Uładzimir Adamaŭ. Pobač — hienieralny konsuł RF u Breście dy pradstaŭnik «Rassupracoŭnictva». Tut ža — vieteran vajny, śviatar i žančyna z abłvykankama. A taksama kiraŭnik arhanizacyi «Ruś maładaja» Siarhiej Łušč.
Haściam prapanavali tematyčnuju litaraturu i dyski.
Ciapier čytajuć
Koŭł: My abmierkavali mahčymuju pajezdku Łukašenki ŭ ZŠA11
Kamientary