Stalinisty i «ruskamiraŭcy» paprasili Łukašenku zabaranić bieł-čyrvona-bieły ściah
Pradstaŭniki niekalkich małalikich arhanizacyj źviarnulisia da Alaksandra Łukašenki z adkrytym zvarotam u suviazi z zabaronaj šeścia «Nieśmiarotny połk» u Viciebsku, a taksama skaračeńnia akcyi ŭ Minsku.
Siarod padpisantaŭ stalinist Valeryj Pieravoščykaŭ, były aktyvist AHP Arciom Ahafonaŭ, paet Kirył Zabaŭski, člen rady vieteranaŭ Akademii MUS Uładzimir Šein.
Svoj zvarot jany źmiaścili na sajcie «Ruskaja viasna». Jany prosiać Łukašenku pryraŭniać bieł-čyrvona-bieły ściah «ideałahičnych naščadkaŭ palicajaŭ da zabaronienaj nieanacysckaj simvoliki». Admietna, što heta idzie pad punktam adzin, to bok, jak samaje važnaje.
Pad druhim punktam prośba «nazaŭsiody źniać zabarony, jakija hańbiać Biełaruś na ŭvieś śviet, na arhanizacyju «Nieśmiarotnaha pałka». Dalej iduć prośby nie supraćpastaŭlać «Biełaruś pomnić» i «Nieśmiarotny połk».
«Prosim pryniać čyrvonuju i hieorhijeŭskuju stužki ŭ jakaści aficyjnych dziaržaŭnych simvałaŭ na 9 Maja», — idzie pad piatym punktam.
Kamientary