Viarchoŭny sud ličyć, što biełarusam nie varta šmat viedać pra sud nad pamočnikam Łukašenki, jaki «pavodziŭ siabie jak bandyt»
Viarchoŭny sud abmiažuje infarmacyju ab pracesie nad Siarhiejem Raŭniejkam, byłym pamočnikam Alaksandra Łukašenki pa Hrodzienskaj vobłaści.
Pra heta havorycca ŭ adkazie, atrymanym partałam Tut.by.
«Infarmacyja ab sudovym raźbiralnictvie pa kryminalnaj spravie ŭ dačynieńni Raŭniejka S.V. źjaŭlajecca infarmacyjaj, raspaŭsiud ci pradstaŭleńnie jakoj abmiežavana ŭ siłu artykuła 17 Zakona «Ab infarmacyi, infarmatyzacyi i abaronie infarmacyi», — adkazaŭ namieśnik staršyni Viarchoŭnaha suda Rusłan Aniskievič.
U hetym artykule havorka viadziecca pra abmiežavańnie infarmacyi pra pryvatnaje žyćcio fizičnaj asoby, dziaržaŭnyja sakrety, kamiercyjnyja tajamnicy i inšaje.
Pra zatrymańnie Siarhieja Raŭniejki stała viadoma letaś. Jaho zatrymali pry atrymańni chabaru ŭ pamiery $200 tysiač.
Kamientary