Dziciačy słoŭničak-razmaloŭka dla pieršakłaśnikaŭ i daškolnikaŭ dapamoža paśpiachova spravicca z vučebnaj prahramaj pa biełaruskaj movie. Heta nie zvyčajny słoŭnik — heta rabočy sšytak dla malaniat, dzie možna tvaryć i vučycca adnačasova.
Užo ciapier baćki, jakim važna zrabić dla dziciaci praces navučańnia ŭ škole kamfortnym, mohuć zamović słoŭnik praz kraŭdfandynhavuju płatformu Ulej.
Čamu baćkam varta źviarnuć na heta ŭvahu?
Ciapierašnija padručniki prydatnyja dla dziaciej, jakija čujuć biełaruskuju movu da taho, jak prychodziać ŭ škołu. Ale časam heta nie tak, a značyć, nie abyścisia bieź mietadyčnych materyjałaŭ. Zadača słoŭnička — dać dzieciam instrumient dla navučańnia, adaptavany pad ich uzrost. Bolšaści pieršakłaśnikaŭ 6 hadoŭ, im praściej za ŭsio raźvivacca ŭ farmacie hulni, tamu ŭ słoŭniku jość malunki dla razmaloŭvańnia.
Słoŭnik raźbity na raździeły, jakija adpaviadajuć padručniku pa biełaruskaj movie dla pieršaha kłasa. Słovy napisanyja bujnym viasiołym šryftam.
«Ja naradziłasia i vyrasła ŭ Kazachstanie, tamu mnie było vielmi składana dapamahčy dziciaci ź biełaruskaj movaj. Razmaŭlajučy ź inšymi baćkami, ja zrazumieła, što heta ahulnaja prablema — vielmi ciažka dapamahać dziciaci vyvučać biełaruskuju movu, kali sam na joj nie razmaŭlaješ. Słoŭničak dapamahaje spravicca z hetaj situacyjaj», — raspaviadaje stvaralnica słoŭnička Volha Zavizijonnaja.
Słoŭničak drukujecca na toŭstaj papiery, tamu jaho možna razmaloŭvać fłamastarmi, nie bajučysia sapsavać inšyja staronki. Abjom — 70 staronak, pamier — 16ch22 sm. Takuju knihu zručna brać z saboj ci nasić u partfieli. Košt — 7 rubloŭ.
Padrabiaznuju infarmacyju pra słoŭničak i ŭmovy zamovy možna znajści tut.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB20
Kamientary