Z centralnaj płoščy Smarhoni kančatkova prybrali pomnik Leninu
A novaje miesca dla jaho vybieruć sami smarhoncy.
Pomnik Uładzimiru Leninu z centralnaj płoščy Smarhoni prybrali miesiac tamu. Spačatku išła havorka pra toje, što pomnik adnoviać i viernuć na svajo miesca. Ale nieŭzabavie źnieśli i pjedestał da pomnika.
Načalnica adździeła ideałohii, kultury i pa spravach moładzi Smarhonskaha rajvykankama Hanna Džumkova patłumačyła, što pomnik zaraz sapraŭdy adnaŭlajuć.
«Hety pomnik nie ŭjaŭlaje nijakaj architekturnaj ci inšaj kaštoŭnaści. Jon zrobleny z cemientu, jaki z časam pačaŭ razburacca. Było dva varyjanty.
Abo pakryvać pomnik mietałam, ale heta vielmi doraha. I dumaju, ludzi b nie zrazumieli, kab my vydatkavali hrošy na heta. Siońnia jość bolš zapatrabavanyja śfiery, dzie patrebnyja biudžetnyja hrošy.
Abo rabić farmoŭku z cemientu. Paśla taho, jak pracy buduć zavieršanyja, my vierniem pomnik, jaho nichto nie budzie razburać i źniščać. Praviadziem hramadskaje abmierkavańnie i razam sa smarhoncami vyrašym, u jakim miescy pastavić Lenina», — raskazała Hanna Džumkava.
Što ž datyčycca płoščy, to jana mocna źmienić svajo abličča.
«U listapadzie ŭ Smarhoni projduć abłasnyja «Dažynki», tamu da ich i płošču, i horad u cełym čakaje surjozny ramont», — abiacaje Hanna Džumkova.
Pomniku Leninu na adnoŭlenaj płoščy miesca nie znajšłosia.
-
«Chočaš płač, chočaš nie płač, ściśni zuby i niasi». Jak žančyn-źniavolenych prymusili rychtavacca da vizitu vysokaj čynoŭnicy
-
Čynoŭnikam, jakija praciahvajuć pracavać, dazvolili atrymlivać piensii
-
Julija Mickievič: Maje słovy pra turmu vyrvali z kantekstu. Suprać mianie arhanizavali kampaniju ckavańnia
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie9
Kamientary