Anatol Savianok pakinuŭ pasadu hiendyrektara Biełaruskaha mietałurhičnaha zavoda. Pra heta TUT.BY paviedamili infarmavanyja krynicy i paćvierdzili na samim pradpryjemstvie.
Pa słovach surazmoŭcy, «z hiendyrektaram rasstalisia pa pahadnieńni bakoŭ».
Napiaredadni svajoj adstaŭki Anatol Savianok nakiravaŭ list svaim padnačalenym i klijentam dy padziakavaŭ za sumiesnuju pracu. «Razam my ŭvasablali ŭ žyćcio ambicyjnyja prajekty, vyrašali vielmi składanyja prablemy, radavalisia ahulnym pieramoh. My abmieńvalisia viedami i vučylisia adzin u adnaho. I ja ŭdziačny za hetuju mahčymaść», — napisaŭ Savianok.
Adnak, pavodle jaho słoŭ, «žyćcio ruchajecca napierad, adkryvaje novyja pierśpiektyvy».
Anatol Savianok prapracavaŭ na žłobinskim zavodzie amal 30 hadoŭ. U 1989 hodzie jon pryjšoŭ na pradpryjemstva na pasadu travilščyka-halvanika. Potym byŭ majstram, staršym majstram, namieśnikam načalnika cecha, načalnikam staladrotavaha cecha № 2, dyrektaram pa mietyznaj vytvorčaści. Z 14 kastryčnika 2009 hoda — hienieralny dyrektar BMZ.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary