Va ŭsich aŭtobusach na aeraport možna budzie apłacić prajezd bankaŭskaj kartkaj
U aŭtobusach maršrutu № 300E «Aŭtavakzał «Centralny» — Nacyjanalny aeraport Minsk» testujuć biezhatoŭkavy sposab apłaty prajezdu, paviedamlaje «Minsk-Naviny».
Čatyry z šaści aŭtobusaŭ, jakija pracujuć na hetym maršrucie, niadaŭna abstalavali apłatnymi terminałami dla pryjomu apłaty pa bankaŭskich kartach. Spačatku ŭstalavali adnu z hetych pryład, jaje testavali dva miesiacy. Vyprabavańni prajšli paśpiachova. Nabyli jašče try terminały, stolki ž płanujecca atrymać da červienia. Usiaho ich budzie siem (adna pryłada pavinna być u reziervie).
U aŭtobusach pasažyry zmohuć apłačvać prajezd jak hatoŭkaj, tak i z dapamohaj apłatnych terminałaŭ. Kiroŭcaŭ navučyli ź imi abychodzicca jašče 2 miesiacy tamu. Treba ŭvieści patrebnuju sumu, prykłaści kartu abo pravieści joju pa mahnitnaj pałasie i dačakacca, pakul vyjdzie ček.
Ciapier čytajuć
Zahinuŭ biełaruski dobraachvotnik Alaksiej Łazaraŭ2
Kamientary