Na zavodzie TAA «AjPaŭer» pad Brestam, jaki pracuje ŭ režymie puskanaładki, zafiksavanyja pieravyšeńni normaŭ vykidaŭ zabrudžvalnych rečyvaŭ u atmaśfiernaje pavietra, paviedamlaje «Bresckaja hazieta».
«Brescki abłasny kamitet pryrodnych resursaŭ i achovy navakolnaha asiarodździa pačaŭ administracyjny praces pa fakcie pieravyšeńnia vykidaŭ.
Kali parušeńni buduć i nadalej, zabiarom dazvoł na vykidy», — zajaviŭ 8 červienia namieśnik ministra pryrody i achovy navakolnaha asiarodździa Alaksandr Korbut, adkazvajučy padčas pramoj linii na pytańnie bresckaha aktyvista Dźmitryja Biekaluka.
Na zavodzie TAA «AjPaŭer» pablizu abłasnoha centra iduć puska-naładačnyja raboty. Na pieryjad puskanaładačnych rabot pryrodaachoŭny abłkamitet vydaŭ pradpryjemstvu «AjPaŭer» dazvoł na vykid zabrudžvalnych rečyvaŭ u atmaśfiernaje pavietra da 22 žniŭnia hetaha hoda. U dazvole prapisany normy vykidaŭ takich rečyvaŭ.
Napiaredadni ŭ sacsietkach źjaviłasia kopija dakładnoj zapiski abłasnoha pryrodaachoŭnaha kamiteta ŭ abłvykankam.
Pavodle jaje, 17 i 26 krasavika ŭziali proby i praviali vymiareńni vykidaŭ. U pratakołach zafiksavana pieravyšeńnie narmatyvaŭ pa 5 z 38 składnikaŭ vykidaŭ.
Raspačaty administracyjny praces pa artykule 15.48 KaAP «Zabrudžvańnie atmaśfiernaha pavietra». Pa hetym artykule na jurydyčnuju asobu mohuć nakłaści štraf da 200 bazavych vieličyń.
Vymiareńni praviaduć jašče raz na praciahu 30 dzion dla paćviardžeńnia fakta pieravyšeńnia normaŭ vykidaŭ. Zajaŭka na praviadzieńnie takich vymiareńniaŭ padadzienaja ŭ Respublikanski centr analityčnaha kantrolu i achovy navakolnaha asiarodździa 30 maja.
Abłkamitet moža razhledzieć pytańnie ab prypynieńni dziejańnia dazvołu na vykidy abo ab jaho spynieńni, skazana ŭ dakładnoj zapiscy ŭ abłvykankam.
Nahadajem, bresckija aktyvisty štoniadzielu źbirajucca na płoščy Lenina ŭ Breście, kab karmić hałuboŭ. Takim čynam jany pratestujuć suprać budaŭnictva akumulatarnaha zavoda.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary