Čamu aktyvistkam Pussy Riot pastavili ŭ pašpart ruskamoŭny štamp «zaprieŝieno», a nie «zabaroniena»?
Dźvium aktyvistkam Pussy Riot, jakija vybiahali na pole padčas finała čempijanata śvietu, zabaranili ŭjezd u Biełaruś — jany lacieli ŭ Kijeŭ tranzitam cieraź Minsk.
U hetaj historyi źviartaje na siabie ŭvahu, što ŭ pašparcie aktyvistak staić biełaruski štamp «Zaprieŝion», choć raniej pry padobnych abstavinach u internecie ŭspłyvali fota sa štampam «Zabaroniena».
Čym vyklikana źmiena movy? Pra heta «Naša Niva» spytałasia ŭ pres-sakratara Pahraničnaha kamiteta Antona Byčkoŭskaha.
«Na našaj hranicy štampy ab zabaronie ŭjezdu na terytoryju Biełaruś isnujuć u dvuch varyjantach: pa-biełarusku i pa-rusku. Jany ź niekatorymi adroźnieńniami, ale vykarystoŭvajucca naroŭni. Heta vyznačana ŭ adpaviednaj pastanovie 2009 hoda. Tamu takaja praktyka nie novaja», — patłumačyŭ Byčkoŭski.
Toje, jak heta adbyvajecca na praktycy, «Našaj Nivie» raskazali pahraničniki, jakija niepasredna i staviać takija štampy.
«Sapraŭdy, jość i taki, i taki štamp. Roźnica ŭ tym, što štamp na nacyjanalnaj movie stavicca tym, chto ŭjazdžaje ŭ Biełaruś i nie prapuskajecca dalej. Štamp na druhoj dziaržaŭnaj movie stavicca tym, chto ŭ krainu ŭžo trapiŭ, ale budzie departavany», — patłumačyli nam rabotniki viedamstva.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary