Чаму актывісткам Pussy Riot паставілі ў пашпарт рускамоўны штамп «запрещено», а не «забаронена»?
Дзвюм актывісткам Pussy Riot, якія выбягалі на поле падчас фінала чэмпіяната свету, забаранілі ўезд у Беларусь — яны ляцелі ў Кіеў транзітам цераз Мінск.
У гэтай гісторыі звяртае на сябе ўвагу, што ў пашпарце актывістак стаіць беларускі штамп «Запрещён», хоць раней пры падобных абставінах у інтэрнэце ўсплывалі фота са штампам «Забаронена».
Чым выклікана змена мовы? Пра гэта «Наша Ніва» спыталася ў прэс-сакратара Пагранічнага камітэта Антона Бычкоўскага.
«На нашай граніцы штампы аб забароне ўезду на тэрыторыю Беларусь існуюць у двух варыянтах: па-беларуску і па-руску. Яны з некаторымі адрозненнямі, але выкарыстоўваюцца нароўні. Гэта вызначана ў адпаведнай пастанове 2009 года. Таму такая практыка не новая», — патлумачыў Бычкоўскі.
Тое, як гэта адбываецца на практыцы, «Нашай Ніве» расказалі пагранічнікі, якія непасрэдна і ставяць такія штампы.
«Сапраўды, ёсць і такі, і такі штамп. Розніца ў тым, што штамп на нацыянальнай мове ставіцца тым, хто ўязджае ў Беларусь і не прапускаецца далей. Штамп на другой дзяржаўнай мове ставіцца тым, хто ў краіну ўжо трапіў, але будзе дэпартаваны», — патлумачылі нам работнікі ведамства.
-
Пачобут не стаў размаўляць з шасцёркамі — ні з Пратасевічам, ні з Васкрасенскім
-
Васкрасенскі: Азотныя ўгнаенні і санкцыі ў адносінах фіз– і юрасобаў — і 1135 палітвязняў будуць у Вільні
-
«Прывезлі маю жонку і сказалі, што яе будуць катаваць». Пара з Украіны расказала жахлівую гісторыю пераследу ў Беларусі
Каментары