Raspracoŭščyki stvaryli niejrasietku dla hatavańnia picy
Amierykanskija raspracoŭščyki pradstavili pizzaGAN — ałharytm, jaki ŭmieje pakrokava malavać picu, dadajučy abo prybirajučy asobnyja inhredyjenty. Architektura takoj sistemy zasnavana na hienieratyŭna-spabornaj niejrasietcy, kožny słoj u jakoj mianiaje papiaredni malunak, dadajučy na iaho novy inhredyjent.
Siońnia ałharytmy, zasnavanyja na niejrasietkach, umiejuć dosyć jakasna składać vyjavy abjektaŭ na asnovie tekstavaha apisańnia. Heta tyčycca, naprykład, receptaŭ straŭ: padobny ałharytm u pačatku hoda pradstavili izrailskija navukoŭcy. Pry hetym razumieńnie taho, jak vyhladaje hatovaja strava, nie aznačaje, što infarmacyja pra hatavańnie stravy dastupnaja: dla hetaha nieabchodna razumieć pakrokava, jak hatujecca strava, što adbudziecca, kali adzin inhredyjent prybrać, a druhi — dadać, i jak źmienicca koler, kansistencyja i vyhlad praduktu pry termičnaj apracoŭcy.
Taki ałharytm vyrašyli raspracavać daśledčyki z Masačusieckaha technałahičnaha instytuta. Jany vyrašyli zasiarodzicca na picy — stravie, jakaja maje dosyć prosty paradak hatavańnia ź niekalkich inhredyjentaŭ. Dla hetaha jany stvaryli pizzaGAN.
U vyniku ałharytm navučyŭsia dakładna dadavać inhredyjenty na picu i prybirać ich, a taksama pakazvać, jak taja ci inšaja pica vyhladaje da i paśla hatavańnia ŭ piečy.
Kamientary