U aŭtorak hienieralny sakratar NATA Jens Stołtenbierh zajaviŭ na pres-kanfierencyi ŭ Brusieli, što ŭ Rasii jość čas da žniŭnia, kab źniščyć svaje kryłatyja rakiety 9M729, što parušajuć umovy mižnarodnaj damovy ab rakietach siaredniaj i mienšaj dalokaści (DRSMD), piša bbc.com.
U advarotnym vypadku, papiaredziŭ Stołtenbierh, NATA prymie miery ŭ adkaz. U rasijskaj Dziarždumie nazvali zajavu Stołtenbierha śmiechu vartaj.
Padpisany ŭ 1987 hodzie dahavor RSMD moža stracić siłu 2 žniŭnia.
NATA spadziajecca, što Rasija zrobić adkazny vybar, ale nie bačyć prykmietaŭ taho, što Kreml hatovy vykanać patrabavańni Paŭnočnaatłantyčnaha aljansu i źniščyć rakiety, zajaviŭ hienieralny sakratar NATA.
«Rasieja praciahvaje raspracoŭku novaj rakiety. Na toje, kab vyratavać dahavor (DRSMD), zastajecca piać tydniaŭ», — dadaŭ jon.
Pa słovach Stołtenbierha, aljans nie płanuje raźmiaščać u Jeŭropie novyja rakiety naziemnaha bazavańnia.
«Naš adkaz budzie vyvieranym, skaardynavanym i abarončym. My nie budziem paŭtarać taho, što robić Rasieja. My nie chočam novaj honki ŭzbrajeńniaŭ. Ale raz Rasieja raźmiaščaje novyja rakiety, my pavinny być upeŭnienyja, što naša abarona zastajecca nadziejnaja i efiektyŭnaja», — skazaŭ Stołtenbierh.
U rasijskim parłamiencie adreahavali na zajavu Stołtenbierha sa skiepsisam.
«Kali kazać pra słovy Stołtenbierha, to jany prosta vyklikajuć śmiech skroź ślozy. Tamu što majecca na ŭvazie, što adzin bok — naš — pavinien vykonvać damovu, a ZŠA i NATA — nie pavinny. Jany što, prabačcie za vyraz, durniaŭ znajšli — inakš nijak heta nie nazavieš», — zajaviŭ namieśnik staršyni kamiteta pa abaronie Dziarždumy Juryj Švytkin u efiry radyjo Sputnik.
Kiraŭnik kamiteta pa abaronie Dziarždumy Uładzimir Šamanaŭ u hutarcy z RIA Naviny nazvaŭ Stołtenbierha biezadkaznym bałbatunom.
Los damovy
Damova ab likvidacyi rakiet siaredniaj i mienšaj dalokaści była padpisanaja lidarami ZŠA i SSSR u śniežni 1987 hoda. Jaje nazyvali pačatkam kanca chałodnaj vajny.
Dakumient zabaraniaje abiedźvium krainam vykarystoŭvać i razhortvać balistyčnyja i kryłatyja rakiety naziemnaha bazavańnia siaredniaj (1000—5500 km) i małoj (500—1000 km) dalokaści.
Inšyja jadziernyja dziaržavy — u tym liku Kitaj — nie padpisvali DRSMD.
Vašynhton nieadnarazova abvinavačvaŭ Maskvu ŭ parušeńni pałažeńniaŭ dakumienta z-za raspracoŭki Rasijaj kryłataj rakiety naziemnaha bazavańnia 9M729 (SSC-8 pa kłasifikacyi NATA), dalokaść jakoj, pa śćvierdžańni amierykanskaha boku, nie adpaviadaje ŭmovam dahavora.
Rasijski bok, u svaju čarhu, abvinavačvaje ZŠA ŭ raźmiaščeńni puskavych ustanovak dla sistem SPA ŭ Rumynii, jakija mohuć asnaščacca ŭ tym liku kryłatymi rakietami siaredniaj dalokaści.
Havorka idzie pra kompleks Aegis Ashore, jaki zastupiŭ na bajavoje dziažurstva na vajennaj bazie Devesełu ŭ Rumynii.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary