Kniha «Masiukoŭščyna. Trahiedyja savieckich vajennapałonnych» vyjšła ŭ vydaviectvie «Biełaruskaja Encykłapiedyja imia Pietrusia Broŭki», paviedamiŭ BiełTA dyrektar vydaviectva Uładzimir Andryjevič.
«Kniha pra adnu z samych trahičnych staronak historyi vajny ŭ Biełarusi - masavaje źniščeńnie savieckich vajskoŭcaŭ u Masiukoŭščynskim łahiery vajennapałonnych - pabačyła śviet na biełaruskaj, ruskaj i anhlijskaj movach, - adznačyŭ dyrektar. - Vydańnie prailustravana histaryčnymi i sučasnymi fotazdymkami, fotakopijami archiŭnych dakumientaŭ, jakija śviedčać ab biaźlitasnaj ekspłuatacyi i masavym źniščeńni savieckich vajennapałonnych».
Jak viadoma, trahična skłaŭsia los absalutnaj bolšaści takich čyrvonaarmiejcaŭ. «U 1941 hodu viermachtam było ŭziata ŭ pałon kala 3,4 młn vajennasłužačych Čyrvonaj Armii. Da kanca studzienia 1942-ha ŭ žyvych zastalisia kala 1,4 młn čałaviek, 2 młn byli rasstralanyja, zahinuli ad hoładu, choładu, chvarob u nacysckich łahierach abo padčas transparciroŭki u miescy źniavoleńnia.
Łahier savieckich vajennapałonnych u Masiukoŭščynie isnavaŭ samy praciahły pieryjad: ad lipienia 1941-ha da lipienia 1944 hoda. Za hety čas u im zahinuli zvyš 80 tys. čałaviek», - raspavioŭ Uładzimir Andryjevič.
Łahier u Masiukoŭščynie (Štałah №352) byŭ adnym z najbujniejšych u Biełarusi pa kolkaści zahinuŭšych u im savieckich vajennapałonnych.
Biesčałaviečnaje staŭleńnie da savieckich vajennapałonnych nacysty tłumačyli tym, što kiraŭnictva SSSR nie padpisała mižnarodnuju Ženieŭskuju kanviencyju, jakaja baraniła pravy tych, chto trapiŭ u pałon padčas vajskovych dziejańniaŭ.
Kniha «Masiukoŭščyna. Trahiedyja savieckich vajennapałonnych» praciahvaje sieryju «Biełaruś. Trahiedyja i praŭda pamiaci», jakaja vydajecca ŭ ramkach akcyi «Biełaruś pamiataje». U joj užo vyjšli knihi «Chatyń. Trahiedyja biełaruskaha naroda», «Traścianiec. Trahiedyja narodaŭ Jeŭropy», «Bol i hnieŭ. Chałakost i supraciŭ u Navahradku».
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary