Кніга «Масюкоўшчына. Трагедыя савецкіх ваеннапалонных» выйшла ў выдавецтве «Беларуская Энцыклапедыя імя Петруся Броўкі», паведаміў БелТА дырэктар выдавецтва Уладзімір Андрыевіч.
«Кніга пра адну з самых трагічных старонак гісторыі вайны ў Беларусі - масавае знішчэнне савецкіх вайскоўцаў у Масюкоўшчынскім лагеры ваеннапалонных - пабачыла свет на беларускай, рускай і англійскай мовах, - адзначыў дырэктар. - Выданне праілюстравана гістарычнымі і сучаснымі фотаздымкамі, фотакопіямі архіўных дакументаў, якія сведчаць аб бязлітаснай эксплуатацыі і масавым знішчэнні савецкіх ваеннапалонных».
Як вядома, трагічна склаўся лёс абсалютнай большасці такіх чырвонаармейцаў. «У 1941 году вермахтам было ўзята ў палон каля 3,4 млн ваеннаслужачых Чырвонай Арміі. Да канца студзеня 1942-га ў жывых засталіся каля 1,4 млн чалавек, 2 млн былі расстраляныя, загінулі ад голаду, холаду, хвароб у нацысцкіх лагерах або падчас транспарціроўкі у месцы зняволення.
Лагер савецкіх ваеннапалонных у Масюкоўшчыне існаваў самы працяглы перыяд: ад ліпеня 1941-га да ліпеня 1944 года. За гэты час у ім загінулі звыш 80 тыс. чалавек», - распавёў Уладзімір Андрыевіч.
Лагер у Масюкоўшчыне (Шталаг №352) быў адным з найбуйнейшых у Беларусі па колькасці загінуўшых у ім савецкіх ваеннапалонных.
Бесчалавечнае стаўленне да савецкіх ваеннапалонных нацысты тлумачылі тым, што кіраўніцтва СССР не падпісала міжнародную Жэнеўскую канвенцыю, якая бараніла правы тых, хто трапіў у палон падчас вайсковых дзеянняў.
Кніга «Масюкоўшчына. Трагедыя савецкіх ваеннапалонных» працягвае серыю «Беларусь. Трагедыя і праўда памяці», якая выдаецца ў рамках акцыі «Беларусь памятае». У ёй ужо выйшлі кнігі «Хатынь. Трагедыя беларускага народа», «Трасцянец. Трагедыя народаў Еўропы», «Боль і гнеў. Халакост і супраціў у Наваградку».
-
Занадта паспяховая для правалу. Як імперыя Тэйлар Свіфт зрабіла яе настолькі маштабнай фігурай, каб яна змагла пацярпець паразу
-
Фестываль беларускага сучаснага відэамастацтва пройдзе ў Беластоку
-
У Польшчу вярнуліся палотны з магнацкіх калекцый, вывезеныя ў час вайны. Сярод іх і копіі нясвіжскіх партрэтаў Радзівілаў
Каментары