Homielskaje TBM zaprašaje zapisacca ŭ biełaruskamoŭnuju hrupu ci kłas
Hramadskaje abjadnańnie «Tavarystva biełaruskaj movy imia Franciška Skaryny» zajmajecca temaj biełaruskamoŭnaj adukacyi ŭ Homieli bolš za 6 hadoŭ. U vyniku ahulnych vysiłkaŭ razam z ustanovaj «Centr rehijanalnaha raźvićcia HDF» byŭ uviedzieny asobny ŭlik dla žadajučych navučacca pa-biełarusku.
Dva hady isnavańnia čarhi pakazali, što adnaho tolki ŭliku nie dastatkova, čarha nie rekłamujecca, źviestki čarhi hramadskaści nie pradastaŭlajucca, tamu Homielskaje TBM vyrašyła arhanizavać svoj ŭlik i zaklikaje zapoŭnić ankietu.
Vyniki raznastajnych apytańniaŭ praviedziennych i arahanizacyjaj, i ŭ navučalnych ustanovach z padačy TBM pakazvajuć, što isnuje popyt na biełaruskamoŭnuju adukacyju, ale nie zaŭsiody prava navučacca pa-biełarusku realizujecca.
Baćkam kažuć pra minimalnuju kolkaść dziaciej, jakaja pavinna być u takich hrupach ci kłasach, ale heta nielha paćvierdzić dakumientami, tamu što ŭ ich napisana tolki pra maksimalnuju kolkaść dziaciej. Dla škoły heta 25 čałaviek, a dla himnazii 20.
Praktyka pakazvaje, što bolš efiektyŭnymi źjaŭlajucca skaardynavanyja dziejańni hrupy ludziej, čym vysiłki adzinak. My zaprašajem dałučycca da nas chacia by dekłaravańniem taho, što vy jość. Zapoŭnicie ankietu, pa vynikach ankietavańnia my praanalizujem raźmierkavańnie ankiet pa rajonach horada, źbiaremsia razam i raspracujem dalejšyja kroki. Prosta ŭjavicie, što francuzy ŭ Francyi patrabujuć navučańnie pa-francuzku! Nievierahodna, ale dla biełarusaŭ heta realnaść, — kaža staršynia Homielskaha TBM Alesia Aŭłasievič.
U 2018/2019 navučalnym hodzie ŭ Homieli biełaruskamoŭnaje navučańnie było arhanizavana ŭ troch dziaržaŭnych ustanovach: jaśli-sad № 160 i № 161 i ŭ himnazii № 36 imia Mieleža. Ahułam kolkaść dziaciej, jakija navučajucca pa-biełarusku 105 čałaviek. Zapaŭniajcie ankietu i dałučajciesia.
Daviedka: +375299089162 (Alesia), [email protected]
-
Kłunki, afełak, raschrystany. Biełarusy dzielacca trapnymi biełaruskimi słovami, jakija jany vykarystoŭvajuć u ruskaj movie
-
Apošnija biełaruskija hałasy. U Łathalii poŭnaściu vymierła biełaruskaja mova
-
Samaja biełaruskaja litara? U litoŭskaj movie kiryličnaja «ŭ» źjaviłasia raniej, čym u biełaruskaj
Kamientary