Nastaŭnik pravioŭ ekśpierymient na CT, staviačy ptuški ŭ advolnym paradku: kolki jon nabraŭ?
Za časam ministra Ihara Karpienki ŭ adukacyi adbyłosia niekalki nieadnaznačnych reformaŭ, siarod jakich — źmieny ŭ sistemie padliku CT.
Prazorlivyja rozumy napierad kazali, što meta novaj sistemy — stvaryć iluziju palapšeńnia jakaści adukacyi, štučna zavysiŭšy bały.
Hučniej za ŭsich pra heta kryčali repietytary, bo ŭ addalenaj pierśpiektyvie jany ad hetaha hublajuć — chto pojdzie da ich, kali i nie napružvajučysia možna nabrać niamała bałaŭ?
Adzin z takich nastaŭnikaŭ, Siarhiej Alšeŭski, kiraŭnik prajekta «Narodny padručnik», pravioŭ ekśpierymient i ŭziaŭsia prajści niekalki CT, adkazvajučy na pytańni pa prostym ałharytmie: u pieršaj častcy stavić ptušku ŭ palach 2—3 pa čarzie, u druhoj častcy — 2, 3 i 5.
Jak raskazaŭ Siarhiej «Našaj Nivie», jon navažyŭsia na hety ekśpierymient, «kab pakazać usim, što novaja mietodyka padliku bałaŭ na CT nie pracuje, što luby čałaviek z vulicy moža biez kłopatu nabrać minimalnyja bały i pretendavać na miesca va ŭniviersitecie».
Što atrymałasia ŭ Siarhieja?
Pakul što viadomyja vyniku dvuch CT z čatyroch.
I jany ŭražvajuć.
Tak, majučy 8 pravilnych adkazaŭ pa matematycy, ź ich — tolki adzin z druhoj, składanaj častki, Siarhiej advolna natykaŭ na 49 bałaŭ! U vynikovym tabieli vidać, što niapravilnych adkazaŭ u «prostaj» častcy ŭ jaho pry hetym 11 i stolki ž — u «składanaj».
«Žyć u śviecie vypusknikoŭ, jakim takaja sistema daje prava na adukacyju, niebiaśpiečna», — reziumuje jon.
Pa anałahičnaj schiemie Siarhiej «natykaŭ» na 25 bałaŭ pa ruskaj movie.
«Spadziajusia, adkaznych čynoŭnikaŭ zvolniać pa artykule. Hetuju sistemu treba terminova mianiać! Jana viadzie da taho, što va ŭniviersitet buduć pastupać słabyja, vyšejšaja adukacyja ŭ Biełarusi devalvujecca, chiba heta nie pahroza samo pa sabie? Tyja ž, chto choča jakasnaj adukacyi i kankurentnaha asiarodku, buduć abirać vučobu za miažoj — takoje majo adčuvańnie», — miarkuje Alšeŭski.
Apytanka
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary