Siarod zahinułych — baćka i syn.
Pa dadzienych ŚMI, zahinułyja padvodniki słužyli ŭ vajskovaj čaści 45707 u Pieciarhofie. Pavodle infarmacyi z adkrytych krynic, kamandzir častki — kapitan pieršaha ranhu, Hieroj Rasii Alaksandr Aparyn.
Uładzimir Pucin zajaviŭ raniej, što siarod zahinułych siem kapitanaŭ pieršaha ranhu i dva Hieroi Rasii. Ministerstva abarony imionaŭ členaŭ ekipaža nie nazyvajuć.
Kamandziram padvodnaj łodki byŭ Dzianis Dałonski. Znajomyja Dałonskaha nazyvajuć jaho kapitanam pieršaha ranhu i Hierojem Rasii. Pra toje, što ŭ Dałonskaha jość hetaje zvańnie, piša i karystalnik Mikałaj Radajeŭ. Jon taksama apublikavaŭ fatahrafii, na jakich razam z Dałonskim.
Na atamnaj hłybakavodnaj stancyi AS-31 «Łašaryk» zahinuŭ vyprabavalnik hłybakavodnaj vajennaj techniki Mikałaj Filin. Jon — kapitan pieršaha ranhu, aficer padraździaleńnia Hałoŭnaha ŭpraŭleńnia hłybakavodnych daśledavańniaŭ Minabarony, vynikaje z dadzienych partała «Hieroi krainy». Jamu było 57 hadoŭ. Zvańnie Hieroja jamu prysudžana prezidenckim ukazam u 2018 hodzie. Taksama ŭznaharodžany ordenami Mužnaści i «Za vajennyja zasłuhi»
Jašče adzin zahinuły — kapitan pieršaha ranhu Andrej Vaskrasienski, jaho nazyvajuć ziaciem kontr-admirała Uładzimira Biedardzinava. Biedardzinaŭ zvolniŭsia ŭ zapas u 2003 hodzie, havorycca na staroncy aficyjnaha sajta administracyi Sasnovaborskaj haradskoj akruhi (Leninhradskaja vobłaść).
Taksama zahinuŭ Dzianis Aparyn, syn Alaksandra Aparyna — kamandzira v/č.
-
Iran atakavaŭ francuzskuju vajennuju bazu ŭ Abu-Dabi — adna z rakiet upała za niekalki mietraŭ ad kruiznaha łajniera z turystami
-
Nijakaha pałomnictva nieanacystaŭ: dom, dzie naradziŭsia Hitler, pieratvorać u palicejski ŭčastak i centr pravoŭ čałavieka
-
Zahinuŭ były prezident Irana Machmud Achmadziniežad
Kamientary