Minčanka nabyła ŭ kramie harošak, ale ŭnutry akazaŭsia zusim nie jon
«Kupiła ja harošak handlovaj marki «Očień!», ale harošak jakraz akazaŭsia nie vielmi», — narakaje pakupnica.
Žančyna 2 lipienia nabyła ŭ kramie «Hipa» blašanku zialonaha harošku, kab pryhatavać sałatu.
«Adkryła blašanku — i nie pavieryła svaim vačam: harošak akazaŭsia nie zialony, a vielmi navat žoŭty. A dakładniej, tam była kukuruza! Pradukt całkam sabie jakasny i smačny, ale mnie byŭ patrebny harošak. Žadanaha sałata ja, naturalna, nie zmahła pryhatavać», — uzrušajecca žančyna.
Viadučaja śpiecyjalistka ŭpraŭleńnia arhanizacyi handlu kampanii «Biełvilesden», jakoj naležać kramy «Hipa», Aksana Šukanava patłumačyła «Našaj Nivie»:
«Handlovaja marka «Očień!» naležyć nam, ale my tavar nie vyrablajem. U pryvatnaści harošak nam pastaŭlajuć z Małdovy. Jany harantujuć jakaść tavaru, ale ad pamyłak nichto nie zastrachavany. My nakirujem pastaŭščykam list z prośbaj pravieści ekśpiertyzu abo źniać partyju tavaru z prodažu.
Pakul da nas z padobnymi vypadkami nie źviartalisia, tamu nie mahu adkazać, heta adzinkavy vypadak ci brak cełaj partyi.
A pakupniku treba prosta pryjści ŭ kramu, dzie jamu biez pytańniaŭ abmianiajuć tavar».
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary