Rasijski błohier Varłamaŭ: Žadaju žycharam Biełarusii ŭmacoŭvać svaju niezaležnaść i pierastać vučyć nas ruskaj movie
Papularny rasijski błohier Illa Varłamaŭ vykazaŭ svajo abureńnie z nahody taho, što žychary Biełarusi vypraŭlajuć słova «Biełoruśsija», jakoje vykarystoŭvajecca im, na «Biełaruś».
Taksama jamu niezrazumiełaja reakcyja žycharoŭ Ukrainy i Małdovy na vyraz «na Ukrainie» i słova «Mołdavija».
«Kali ščyra, mnie nie vielmi zrazumieła, čamu hramadzianie inšaj krainy — niezaležnaj, samastojnaj krainy — naohuł vučać mianie ruskaj movie. Ja voś nikoha nie vuču ni biełaruskaj, ni ŭkrainskaj, ni navat kazachskaj. Ale aburanyja čytačy paviedamlajuć, što tak jany viaduć baraćbu za svaju niezaležnaść. Nibyta «Biełoruśsija» — heta kałonija Rasii, a voś «Biełaruś» — heta hučyć horda. «Na Ukrainu» — heta jak na ŭskrainu Rasii, a voś «u» — heta adrazu ŭ vialikuju dziaržavu.
Darahija maje aburanyja čytačy. Ja vymušany vas zasmucić. Mocnaj i niezaležnaj krainu robiać nie vašy sproby źmianić normy ruskaj movy. Mocnaj i niezaležnaj kraina budzie tady, kali vam budzie hłyboka abyjakava, chto i jak u inšaj krainie na svajoj movie pramaŭlaje nazvu vašaj krainy», — piša Varłamaŭ.
Błohier ličyć, što takija pavodziny źjaŭlajucca prajavaj pravincyjnych kompleksaŭ.
«Prystavać da ŭsich i vučyć vymaŭleńniu inšych ludziej — heta, prabačcie, jakraz ad niaŭpeŭnienaści», — piša Varłamaŭ.
U kancy błohier pavinšavaŭ biełaruski narod z Dniom niezaležnaści.
«U vas vydatnaja kraina, talenavityja i dobryja ludzi. Žadaju vam umacoŭvać svaju niezaležnaść i pierastać užo vučyć nas ruskaj movie», — zaviaršyŭ Varłamaŭ.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary