Pradpryjemstva byłoha ŭłaśnika Aršanskaha avijazavoda finansavała «DNR»
Adno z pradpryjemstvaŭ ukrainskaj hrupy «Motar Sič» dva hady finansavała bajevikoŭ «DNR», paviedamlajuć ukrainskija siłaviki.
«Supracoŭniki Słužby biaśpieki Ukrainy spynili supraćpraŭnuju dziejnaść hrupy kampanij «Motar Sič», jakaja na praciahu dvuch hadoŭ finansavała dziejnaść terarystyčnaj arhanizacyi DNR», — havorycca ŭ paviedamleńni viedamstva.
Havorka idzie ab pradpryjemstvie Śniažnianski mašynabudaŭničy zavod, jaki raźmieščany na terytoryi «DNR». SBU vyśvietliła, što hety zavod pracavaŭ z pradpryjemstvami, raźmieščanymi ŭ Rasii, va Ukrainie i na terytoryi samaabvieščanaj respubliki, a taksama adličvaŭ padatki ŭ «centrabank DNR».
Dyrektaru pradpryjemstva słužba abviaściła ab padazreńni pa artykule ab finansavańni teraryzmu.
PAT «Motar Sič» — adzin z najbujniejšych suśvietnych vytvorcaŭ ruchavikoŭ dla avijacyjnaj techniki, a taksama dla pramysłovych hazaturbinnych ustanovak. Raniej «Motar Sič» vałodała Aršanskim avijaramontnym zavodam.
Kamientary