Vybary va Ukrainie: Partyja Zialenskaha nabiraje bolšaść, prarasijskija siły topčucca na miescy
U Viarchoŭnuju Radu Ukrainy prachodziać piać palityčnych partyj, śviedčać źviestki Nacyjanalnaha ekzit-poła.
Tak, za partyju «Słuha naroda» prahałasavali — 44,2%, «Apazicyjnuju płatformu — Za žyćcio» — 11,4%, za partyju «Jeŭrapiejskaja salidarnaść» Piatra Parašenki — 8,8%, za partyju «Baćkaŭščyna» — 7,4%, «Hołas» — 6,5% vybarščykaŭ.
Astatnija partyi nabrali mienš za 5%.
Pavodle partyjnych śpisaŭ abirajecca 225 deputataŭ, jašče 199 praz mažarytarnuju sistemu. 26 deputackich miescaŭ zastajucca vakantnyja: heta akruhi akupavanych Kryma i ŭschodniaha Danbasa.
«Słuha naroda» nabiraje mienš, čym spadziavaŭsia. Ci atrymaje «Słuha naroda» absalutnuju bolšaść u Radzie, vyrašycca ŭ adnamandatnych akruhach, dzie ŭkraincy časta hałasujuć za jaskravuju ci bahatuju asobu, a nie za partyju.
Prarasijskaja «Apazicyjnaja płatforma — Za žyćcio» nabiraje prykładna stolki ž, kolki jaje kandydat na prezidenckich vybarach.
U vybarčym śpisie «Jeŭrapiejskaj salidarnaści» ŭ Radu prachodziać dva lidary krymskich tatar — naroda, jaki nie pryniaŭ anieksii Kryma Rasijaj i zachoŭvaje viernaść Ukrainie. Heta Mustafa Džemileŭ i Achtem Čyjhoz.
«Słuha naroda» zajmaje centrysckija pazicyi na ŭkrainskaj palityčnaj scenie. Dźvie najbolš prajeŭrapiejskija i pranacyjanalnyja siły — heta «Jeŭrapiejskaja salidarnaść» i «Hołas».
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary