BBC: Dačka Pucina pabuduje miedycynski centr ź inviestycyjami $476 miljonaŭ
Adnym z saŭładalnikaŭ stvoranaj u studzieni 2019 hoda Novaj miedycynskaj kampanii, jakaja zojmiecca prajektam pa stvareńni centra jadziernaj miedycyny ŭ Leninhradskaj vobłaści, źjaŭlajecca Maryja Varancova. Inviestycyi ŭ prajekt z zadačaj «uvajści ŭ top-3 miedycynskich arhanizacyj śvietu» składuć kala 30 miljardaŭ rasijskich rubloŭ ($476 miljonaŭ).
Dola Varancovaj Maryi Uładzimiraŭny ŭ kapitale kampanii składaje 20%. BBC nazyvaje Varancovu starejšaj dačkoj prezidenta Rasii Uładzimira Pucina.
Aficyjnaha paćviardžeńnia abo abviaržeńnia infarmacyi nie było.
Prajekt budaŭnictva šmatfunkcyjanalnaha centra jadziernaj miedycyny ŭ Leninhradskaj vobłaści realizuje «SOHAZ miedycyna».
Farmat udziełu Maryi Varancovaj u realizacyi prajekta ŭ artykule nie ŭdakładniajecca.
Jadziernyja technałohii ŭ miedycynie vykarystoŭvajucca dla dyjahnostyki i lačeńnia ankałahičnych zachvorvańniaŭ. Jany dazvalajuć pravodzić dyjahnostyku na rańnich stadyjach zachvorvańnia, što pavialičvaje šancy na vyzdaraŭleńnie. U jadziernaj miedycynie vykarystoŭvajucca śpiecyjalnyja radyjenuklidnyja preparaty i mietady pramianiovaj terapii. Da ich adnosicca i pratonnaja terapija, jakaja budzie pradstaŭlena i ŭ Leninhradskaj vobłaści. Hetaja terapija ličycca adnoj z najmienš traŭmatyčnych.
Klinika zmoža prymać bolš za 20 tysiač pacyjentaŭ u hod, u ankałahičnym centry budzie 450 miescaŭ.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary