Dyk pojduć mahistranty ŭ vojska ŭ hety pryzyŭ ci nie? Pytańnie čytača NN — adkaz Minabarony
Siońnia Ministerstva abarony pravodziła pres-kanfierencyju dla tłumačeńnia detalaŭ novych praviłaŭ pryzyvu na słužbu. Čytač «Našaj Nivy» Anton Varońka adrasavaŭ viedamstvu nastupnaje pytańnie:
«Učora stała viadoma pra padpisańnie prezidentam zakona ab źmianieńni praviłaŭ pryzyvu, u pryvatnaści, ab skasavańni paŭtornaj adterminoŭki dla tych, chto praciahvaje adukacyju na vyšejšych stupieniach.
Chutčej za ŭsio, zakon budzie aficyjna apublikavany na hetym tydni, pačnie dziejničać 4—5 žniŭnia. Tym nie mienš, skłałasia cikavaja situacyja — pryzyŭ pačniecca (z 1 žniŭnia) pa starych praviłach, ale praciahniecca pa novych. U suviazi z hetym pytańnie: ci mohuć studenty, jakija na momant 1 žniŭnia byli zaličanyja ŭ mahistraturu, atrymać adterminoŭku jašče pa starych praviłach? Naprykład, kali jany pryjduć niepasredna ŭ pieršy dzień pryzyvu ź nieabchodnymi dakumientam. Niekatoryja partały ŭčora raspaŭsiudžvali infarmacyju ab tym, što zakon nie zakranie tych, chto pastupiŭ u mahistratury zaraz. Ale, zdajecca, heta tolki ich interpretacyja naviny — aficyjnaha kamientara nie było. Vyjšła voś takaja błytanina, jakuju zaraz treba niejak prajaśnić».
Jamu adkazvaje kansultant adździeła pryzyvu na vajskovuju słužbu Ministerstva abarony Andrej Murašoŭ:
«Kali staŭ mahistrantam, heta nie aznačaje, što aŭtamatyčna atrymaŭ adterminoŭku. Jurydyčna adterminoŭku daje pryzyŭnaja kamisija. A kab stvaryć pryzyŭnuju kamisiju, patrebna adpaviednaje rašeńnie miascovych orhanaŭ ułady, heta peŭnaja časavaja pracedura. Tudy pryznačajucca ludzi, składajecca hrafik ich raboty. I ŭsio zaležyć ad taho, u jaki dzień i čas jana budzie stvorana.
Tak, 1—2 žniŭnia budzie dziejničać stary zakon, a z 5 žniŭnia — novy. Usio zaležyć ad taho, u jaki dzień i čas hetaja pryzyŭnaja kamisija budzie razhladać dakumienty mahistranta: kali budzie pracavać pa starym zakonie, jana daść adterminoŭku. Kali pa novym, to nie daść.
Ci moža skłaścisia situacyja, što mahistranty Homielskaj vobłaści pojduć u vojska, a Viciebskaj — nie?
Nie, ja dumaju, što takoha nie adbudziecca. U nas na praktycy kamisii nie raniej 10—12 žniŭnia pačynajuć pracavać. Ale niemahčyma adnaznačna skazać, navat my nie možam skazać».
Ciapier čytajuć
ZŠA pieradali Łukašenku najnoŭšyja amierykanskija leki dla pachudańnia4
Kamientary