U Maskvie zatrymali ŭžo 700 pratestoŭcaŭ. A raniej zatrymanych kandydataŭ adpuścili i znoŭ zatrymali
Niezarehistravanych kandydataŭ u Mashardumu Ilju Jašyna i Dźmitryja Hudkova, zatrymanych u dzień niesankcyjanavanaha mitynhu, adpuścili, piša RBK.
Taksama vyzvalili apazycyjnaha kandydata Ivana Ždanava.
Vyzvalena i niezarehistravanaja na vybary Luboŭ Sobal, raspaviali RBK ŭ pres-słužbie Chamoŭnickaha suda Maskvy, adznačyŭšy, što «tam druhi materyjał viernuty ŭ suviazi ź jaho niepaŭnatoj dla likvidacyi niedachopaŭ».
«Sudździa pavioŭ siabie dziŭna. Spačatku adchiliŭ usie maje chadajnictvy. Admoviŭ u dopycie śviedak. Nie puściŭ hledačoŭ i presu, pa sutnaści začyniŭšy pasiedžańnie. A potym vyjšaŭ i skazaŭ: u spravie šmat nievyznačanych abstavin, razhlad pieranosicca na 30 lipienia. U vyniku ja na voli», — napisaŭ Jašyn.
Hudkoŭ napisaŭ, što razhlad jaho spravy pieranieśli na 31 lipienia.
Niesankcyjanavanaja akcyja ŭ Maskvie pačałasia a 14-j. Za niekalki hadzin da hetaha pačali zatrymlivać ludziej.
Pa apošnich źviestkach «OVD-Info», da 19:00 na akcyi zatrymali amal 700 čałaviek.
Maskoŭskaje upraŭleńnie MUS u 15:20 paviedamlała, što zatrymanyja 295 čałaviek.
A 20-j hadzinie Jašyn paviedamiŭ: «Na Trubnaj (płoščy) žeść. Palicyja źbivaje ludziej, Sobal i Ždanaŭ zatrymanyja. Ja pakul na voli».
Na Trubnoj žiesť. Policija iźbivajet ludiej, Sobol i Ždanov zadieržany. Ja poka na svobodie.
Demanstranty ŭ Maskvie skandavali «Dołoj vłasť čiekistov» i «Rośsija biez Putina»
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB18
Kamientary