Adna plita, dva mabilniki, čatyry šyny — što i jak ciapier možna ŭvozić z-za miažy
Ad 2 žniŭnia źmianilisia praviły biazmytnaha ŭvozu ŭ Biełaruś z-za miažy tavaraŭ dla asabistaha karystańnia. Mytny kamitet patłumačyŭ, što heta za tavary i kolki razoŭ na hod možna, u adpaviednaści z novymi praviłami, ich uvozić.
Nie bolš za 1 na praciahu kalandarnaha hoda
Plita hazavaja (albo elektryčnaja) kuchonnaja, varačnaja panel, vyciažka, duchavaja šafa, vodanahravalnik, kasiłka dla hazonaŭ, trymier, abstalavańnie dla myjki aŭtamabilaŭ bytavoje, manitor, noŭtbuk abo netbuk, šmatfunkcyjanalnaja kapijavalnaja pryłada (MFU), televizar, rovar, čovien nadzimany, mator dla čoŭna, cyvilnuju hładkastvolnuju abo naraznuju zbroju i jaje častki, kandycyjanier, zvaračny aparat pobytavy, elektrahienieratar pobytavy, hulniavuju prystaŭku - u kolkaści nie bolš za 1 adzinki na praciahu kalandarnaha hoda.
Nie bolš za 2 adzinki na praciahu kalandarnaha hoda
Mabilny telefon, kalaska dziciačaja, prynter, skanier, płanšetny kampjutar.
Nie bolš za 4 adzinki na praciahu kalandarnaha hoda
Novyja pnieŭmatyčnyja šyny, novyja albo b/u koły da kožnaha aŭta-, i mototranspartnaha srodka dla asabistaha karystańnia, pry ŭmovie, što źviestki dekłaranta paznačanyja ŭ paśviedčańni ab rehistracyi transpartnaha srodka albo dakumiencie (rachunak-daviedka, damova kupli-prodažu, damova dareńnia i inš.), jaki śviedčyć ab nabyćci transpartnaha srodka, nie zarehistravanaha ŭ dziaržavach-členach Jeŭrazijskaha ekanamičnaha sajuza abo dziaržavach, jakija nie źjaŭlajucca členami Jeŭrazijskaha ekanamičnaha sajuza.
Kamientary