Jamu byŭ 81 hod.
15 žniŭnia pamior prafiesar Ernst Michajłavič Babienka — pieršy rektar Navapołackaha politechničnaha instytuta i Połackaha dziaržuniviersiteta.
Raźvitańnie projdzie ŭ subotu ŭ vučebna-łabaratornym korpusie PDU ŭ Mižreččy z 10.00 da 12.00, paviedamlaje pres-słužba ŭniviersiteta.
Ernst Babienka naradziŭsia 21 kastryčnika 1937 hoda ŭ Pleščanicach. Skončyŭ škołu ŭ Maładziečnie, zatym Maskoŭski chimika-technałahičny instytut.
U 1968—1970 — staršy vykładčyk, dacent, zahadčyk kafiedry Navapołackaha filijała Biełaruskaha technałahičnaha instytuta, zatym dyrektar. U 1974—1976 hh. — rektar Navapołackaha politechničnaha instytuta, zatym byŭ dyrektaram Instytuta elektrodnaj pramysłovaści Ministerstva kalarovaj mietałurhii SSSR, namieśnikam hiendyrektara pa navucy i novaj technicy Usiesajuznaha abjadnańnia «Sajuzvuhlarod» Ministerstva kalarovaj mietałurhii.
Z pačatkam pierabudovy viarnuŭsia ŭ Navapołack, byŭ rektaram Navapołackaha politechničnaha instytuta, a paśla jaho pieraŭtvareńnia ŭznačalvaŭ u 1993-2003 hadach Połacki dziaržaŭny univiersitet.
Dziakujučy namahańniam Babienki ŭ 2003 hodzie Połackamu dziaržaŭnamu ŭniviersitetu byŭ pieradadzieny kompleks budynkaŭ Połackaha jezuickaha kalehiuma. U 2003—2016 — prafiesar kafiedry chimii i technałohii pierapracoŭki nafty i hazu PDU.
Kamientary