Tramp žartaŭliva paabiacaŭ niešta nie rabić u Hrenłandyi, kali jon jaje ŭsio ž taki kupić FOTA
Prezident ZŠA Donald Tramp raźmiaściŭ na svajoj staroncy ŭ tvitary fotakałaž z chmaračosam Trump Tower na ŭźbiarežžy Hrenłandyi.
I promise not to do this to Greenland! pic.twitter.com/03DdyVU6HA
«Ja abiacaju nie rabić hetaha ŭ Hrenłandyi», — havorycca ŭ podpisie da kałažu. Dla jaho stvareńnia, miarkujučy pa vonkavym padabienstvie, vykarystoŭvaŭsia fotazdymak Trump Tower ŭ Łas-Viehasie. Tam raźmieščany elitny hatel.
U siaredzinie žniŭnia The Wall Street Journal paviedamiła, što Tramp nieadnarazova cikaviŭsia ŭ svaich daradcaŭ i advakataŭ, ci mohuć ZŠA kupić Hrenłandyju (najbujniejšy vostraŭ u śviecie, jon naležyć Danii). U pryvatnaści, prezident nibyta źbiraŭsia padniać hetuju temu padčas vizitu ŭ Daniju ŭ pačatku listapada.
Tramp paćvierdziŭ hetuju infarmacyju, paviedamiŭšy, što «stratehična heta [kupla Hrenłandyi] cikava. Ułady Hrenłandyi, kamientujučy artykuł WSJ dla RBK paviedamili, što kraina «nie pradajecca». Premjer Danii paličyła ideju absurdnaj.
-
Źjaviŭsia rejtynh haradoŭ śvietu pa jakaści žyćcia. Na jakim miescy Minsk?
-
Kamandujučy Vajenna-pavietranymi siłami Izraila asabista ŭdzielničaŭ u atacy na Tehieran. Jon byŭ za šturvałam samalota
-
Syn zabitaha Ali Chamieniei byŭ paranieny padčas adnoj z atak. Jaho praročać u novyja Viarchoŭnyja lidary
Kamientary