Novy hałoŭny ideołah Biełarusi: Ja čytaju i Šrajbmana, i Palčysa, i «SB»

Učora Alaksandr Łukašenka pryznačyŭ novaha hałoŭnaha ideołaha krainy. Im staŭ žurnalist pavodle adukacyi, były ideołah Mahiloŭskaj vobłaści, i pakul jašče namieśnik staršyni abłvykankama Andrej Kuncevič.

TUT.BY daviedaŭsia ŭ novaha namieśnika Natalli Kačanavaj, ci zaviadzie Administracyja prezidenta tvitar i telehram-kanał, kaho čytaje Kuncevič u sacsietkach i jakoj jon bačyć ideałohiju biełaruskaj dziaržavy.

«Sacsietki — vielmi cikavy i karysny kanał znosin»

Andrej Kuncevič siońnia dapracoŭvaje apošni pracoŭny dzień u Mahiloŭskim abłvykankamie. U Minsk jon pryjedzie ŭžo zaŭtra i, jak skazaŭ kiraŭnik krainy, «z karabla na bal» — adrazu ŭstupić u novuju pasadu. Na joj jon budzie kuryravać śfiery ideałohii i pracy ŚMI. Pryznačajučy Kunceviča na pasadu namieśnika kiraŭnika Administracyi, Łukašenka adznačyŭ, što jamu pryjdziecca zajmacca «kompleksam ideałahičnaj pracy, pačynajučy ad žurnalistyki i zakančvajučy lekcyjami ŭ VNU».

Pavialičyć

— Andrej Michajłavič, jak vy siońnia bačycie ideałohiju biełaruskaj dziaržavy? Hramadstva nie razumieje, kudy ŭłada choča pryvieści krainu praz 10 hadoŭ. Ideałohija naohuł nieabchodnaja siońnia?

— Dumaju, što ideałohija biełaruskaj dziaržavy nie moža naradzicca ŭ hałavie adnaho čałavieka. Heta tema, jakaja pavinna zychodzić i ad ludziej, jakija pradstaŭlajuć biełaruskuju intelihiencyju, i ad prostych ludziej. I mienavita dziakujučy takomu kanstruktyŭnaha dyjałohu z hramadzianskaj supolnaściu, ź ludźmi, jakija nie abyjakavyja da taho, jak pavinna raźvivacca naša dziaržava, i moža naradzicca hetaja ideałohija. Nu, a toje, što ŭ centry ideałohii budzie praca ź ludźmi, pra što i kaža prezident našaj krainy, heta nie stavicca pad sumnieŭ nikim. Siońnia poŭna prykładaŭ taho, što ŭłada čuje intelihiencyju. Intelihiencyja roznapłanavaja, čym bolš budzie mierkavańniaŭ, tym lahčej budzie pryniać pravilnaje rašeńnie. Učora, naprykład, u tym ža tvitary chtości paprakaŭ mianie ŭ tym, što ja prazachodni, chtości — naadvarot, što prarasijski.

Ja nie prazachodni i nie prarasijski, ja — prabiełaruski.

Ja čytaju i Šrajbmana, i Palčysa, ale ŭ toj ža čas ja čytaju i Dźmitryja Krata z «Sovietskoj Biełarusii», i liču, heta pravilna. Jašče raz paŭtaru: čym bolš mierkavańniaŭ budzie, tym lahčej dla siabie rabić niejkija vysnovy.

— Pryznačajučy vas, Alaksandr Łukašenka skazaŭ, što siońnia ŭłada nie dapracoŭvaje ŭ internecie, i hetaja funkcyja laža na vas. Vy ŭ tvitary davoli aktyŭnyja. Moža, ciapier i Administracyja prezidenta narešcie zaviadzie tvitar abo tielehram-kanał?

— Ciapier mnie składana adkazvać na hetaje pytańnie, jaho treba abmierkavać u Administracyi. Ja pakul mahu abapiercisia tolki na svoj asabisty dośvied pracy ŭ Mahiloŭskaj vobłaści. Sapraŭdy, takuju ​​praktyku [znosin u sacsietkach] ja vykarystaŭ, hety kanał [znosin] zdavaŭsia vielmi cikavym i karysnym. Va ŭsiakim vypadku, kab abmierkavać ź internet-hramadskaściu niejkija rašeńni vykankama. Naprykład, ja pytaŭsia [u tvitary], na jakija sacyjalnyja abjekty ŭ pieršuju čarhu źviarnuć uvahu, kaho z vykanaŭcaŭ zaprasić na kancert da Dnia niezaležnaści, i ludzi svajo mierkavańnie vykazvali.

Kakije ob́jekty socialnoj infrastruktury Mohileva Vy sčitajetie prioritietnymi dla vklučienija v Inviesticionnuju prohrammu na 2019 hod?

— Andriej Kuncievič (@KuncevichA) 19 sientiabria 2018 h.

Zrazumieła, što heta nie zaŭsiody było kančatkovym rašeńniem, ale, tym nie mienš, heta toje mierkavańnie, jakoje ŭličvałasia, abmiarkoŭvałasia na pracoŭnych naradach ŭ abłvykankamie. Nakolki hetaja praktyka budzie zapatrabavana ŭ majoj novaj ipastasi — mnie pakul kazać składana, pakolki ja tolki zaŭtra ŭstupaju ŭ aficyjnuju pasadu.

Lekcyi dla moładzi, pra jakija kazaŭ prezident, Andrej Kuncevič ličyć davoli karysnymi dla abodvuch bakoŭ. I sam hatovy «pajści ŭ ludzi».

— Sprava ŭ tym, što siońnia takaja forma pracy praktykujecca: kiraŭniki dziaržorhanaŭ sustrakajucca z moładździu. Biezumoŭna, prezident maje racyju ŭ tym, što siońnia, u tym liku i kiraŭnikam samaha vysokaha ranhu treba čaściej byvać u moładzievych aŭdytoryjach, danosić svaje dumki, pasyły, kab u moładzi była mahčymaść atrymlivać infarmacyju ź pieršych vusnaŭ, - ličyć Kuncevič.

• 0
• 0
• 0
• 0
• 0
• 0
• 0
• 0