Homielski błohier Maksim Filipovič, jaki zajmieŭ papularnaść na chvali «darmajedskich» pratestaŭ u Biełarusi, zajaviŭ, što źjechaŭ za miažu. «Hanić mianie, ja dumaju, budzie niapravilna. Ja liču, što maju prava, bo ja choć niešta rabiŭ», — skazaŭ u videa błohier, paviedamlaje Radyjo Svaboda.
Maksim i jahonaja žonka Julija pakul niedasiažnyja dla kamientaroŭ. Dakładna nie viadoma, u jakuju krainu źjechała siamja. U Filipovičaŭ jość dačka-školnica.
Paźniej stała viadoma, što Filipovič znachodzicca na sieminary ŭ Hruzii.
Apošnim časam błohier i jahonaja žonka nie mieli stałaj pracy. U svaich videa Maksim Filipovič śćviardžaŭ, što siamja nie moža znajści pracu, bo ŭłada pomścić za aktyŭnuju hramadzianskuju pazicyju.
Na Youtube Maksim Filipovič maje 42 tysiačy padpisčykaŭ. Jon pačynaŭ błohierskuju dziejnaść z ahladaŭ pasyłak z Kitaja. Šyrokaj hramadskaści Maksim Filipovič staŭ viadomy paśla aktyŭnaha ŭdziełu ŭ «Maršach niedarmajedaŭ», jakija prajšli ŭviesnu 2017 hoda. Za ŭdzieł u akcyjach błohiera nie raz pryciahvali da administracyjnych aryštaŭ. U mai 2017 hoda jon pravioŭ u homielskim izalatary časovaha ŭtrymańnia 30 sutak zapar — za ŭdzieł u «Maršach niedarmajedaŭ» u Homli, Pinsku i Maładziečnie.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary