DAI z 7 pa 17 žniŭnia praviała prafiłaktyčnuju akcyju «Dziaržtechahlad». Za hety čas vyjaŭlena bolš za 14 tysiač transpartnych srodkaŭ biez techahladu.
Pra heta paviedamiŭ siońnia žurnalistam v.a. pa pasadzie načalnika DAI Alaksandr Cahielnik, paviedamlaje BIEŁTA.
Padčas akcyi supracoŭniki DAI praviarali ŭ kiroŭcaŭ u roznych nasielenych punktach najaŭnaść dopusku da ŭdziełu ŭ darožnym ruchu. Hałoŭnaj metaj inicyjavanaj MUS dekady było pryciahnieńnie ŭvahi aŭtaŭładalnikaŭ da padtrymańnia svajho transpartu ŭ technična spraŭnym stanie.
«Padčas štodzionnych rejdavych mierapryjemstvaŭ vyjaŭlena zvyš za 14 tysiač faktaŭ ekspłuatacyi transpartnych srodkaŭ biez dazvołu na dopusk da ŭdziełu ŭ darožnym ruchu, u tym liku 4,3 tys. faktaŭ paŭtornaj ekspłuatacyi na praciahu hoda paśla nakładańnia administracyjnaha spahnańnia», - skazaŭ Alaksandr Cahielnik.
Što tyčycca transpartu, jaki naležyć i jurydyčnym asobam i IP, to vyjaŭleny 441 fakt ekspłuatacyi biez techahladu, u tym liku 157 paŭtornych na praciahu hoda. «Za dopusk da ŭdziełu ŭ darožnym ruchu transpartu biez dazvołu da adkaznaści pryciahnuty 282 słužbovyja asoby», - dadaŭ pradstaŭnik UDAI MUS. Vyjaŭleny arhanizacyi, jakija sistematyčna dapuskajuć takija parušeńni, vydadzieny 122 pradpisańni na ŭstaranieńnie pryčyn i ŭmoŭ administracyjnych pravaparušeńniaŭ.
Kamientary