Karpienka raspavioŭ, jakija źmieny mohuć čakać pry pryjomie ŭ 10-y kłas
Pra asnoŭnyja akcenty svajho dakładu Łukašenku paśla sustrečy raskazaŭ ministr adukacyi Ihar Karpienka, paviedamlaje Źviazda.
Na naradzie, jakuju anansavaŭ Alaksandr Łukašenka, nieabchodna pravieści da kanca hoda. Na jaje zaprosiać navukoŭcaŭ, pradstaŭnikoŭ piedahahičnaj hramadskaści.
«Ja dumaju, što Ministerstva adukacyi skancentruje pieralik tych pytańniaŭ, pra jakija kazaŭ kiraŭnik dziaržavy, dałožyć svajo bačańnie, razumieńnie, jak heta pavinna dziejničać i pracavać. I my pavinny rastavić tam usie kropki nad «i», — zaŭvažyŭ ministr.
Nieabchodna udaskanalvać vynikovuju atestacyju ŭ sistemie školnaj adukacyi. U hetaj suviazi razhladajuć u viedamstvie i mahčymaść uviadzieńnia nacyjanalnaha ekzamienu — sumiaščeńnia zdačy niekatorych školnych pradmietaŭ z ustupnymi ekzamienami.
Abmiarkoŭvać buduć na naradzie i katehoryju vučniaŭ, jakich treba prymać u 10-ja kłasy škoł.
«Toj, chto choča pajści ŭ profilny kłas, pavinien pakazać bolš značny vynik. Ale my nie vyklučajem i toje, što častka dziaciej budzie zajmacca na bazavym uzroŭni. Dla takich dziaciej u nas arhanizavana prafiesijnaja padrychtoŭka z prysvajeńniem kvalifikacyi i vydačaj paśviedčańnia. U hetym hodzie ŭžo 11-y kłas budzie pracavać pa hetaj schiemie», — padkreśliŭ Ihar Karpienka.
Dla škoł raspracavany i pieralik pradmietaŭ, jakija zabaronieny dla pranosu va ŭstanovu, ale, pa słovach ministra, heta nie značyć, što sa škoły robiać režymny abjekt. «Ale razam z tym škoła pavinna z zakonnymi pradstaŭnikami, vučnievym samakiravańniem, zasnavalnikami ŭstanovy adukacyi, miascovymi orhanami na miescach vyznačyć paradak funkcyjanavańnia», — skazaŭ ministr adukacyi.
U jakaści prykładu jon pryvioŭ rašeńnie z vykarystańniem hadžataŭ na ŭrokach. U typavych płanach ŭnutranaha rasparadku vučebnych ustanoŭ vyznačana, što na ŭrokach biez dazvołu nastaŭnika imi karystacca nielha.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj57
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary