Načalnik adździeła narkakantrolu Leninskaha RAUS Mahilova atrymaŭ 10 hadoŭ pazbaŭleńnia voli.
28 žniŭnia hienprakuror Alaksandr Kaniuk raspavioŭ žurnalistam, što bujny termin atrymaŭ milicejski načalnik z Mahilova. Pa słovach Kaniuka, milicyjant «pravakavaŭ hramadzian, uciahnutych u niezakonny abarot narkatyčnych i psichatropnych rečyvaŭ, na ich nabyćcio i ŭžyvańnie z metaj nastupnaha zatrymańnia i pryciahnieńnia da kryminalnaj adkaznaści».
Pa infarmacyi «Našaj Nivy», toj samy milicyjant — heta kapitan Ivan Paciomkin. Jon prysudžany da 10 hadoŭ pazbaŭleńnia voli.
Paciomkin rodam sa Słaŭharada, u 2005 hodzie jon pastupiŭ u Akademiju MUS na fakultet milicyi. Paśla vučoby pracavaŭ na pasadzie apierupaŭnavažanaha adździaleńnia pa narkakantroli i supraćdziejańni handlu ludźmi UUS Babrujskaha harvykankama. Praz paŭtara hoda pieravioŭsia ŭ Mahiloŭ. Zajmaŭsia tym ža, byŭ apieratyŭnikam u adździele narkakantrolu.
Paciomkin maje vialikuju kolkaść hramat za ŭmiełyja i prafiesijna piśmiennyja dziejańni, inicyjatyvu, a ŭ 2013-m i 2014-m zahadam načalnika RAUS pryznavaŭsia pieramožcam za zvańnie «Lepšy pa prafiesii». U 2015 hodzie Paciomkina pryznačyli starejšym apierupaŭnavažanym adździaleńnia pa narkakantroli i supraćdziejańni handlu ludźmi kryminalnaj milicyi adździeła ŭnutranych spraŭ administracyi Leninskaha rajona Mahilova. Paźniej jon uznačaliŭ adździeł.
Raniej pra Paciomkina źjaŭlalisia standartnyja chvalebnyja artykuły na sajcie miascovaj milicyi. Paśla jany pa tradycyi źnikli, ale ž Huhł usio pamiataje. Voś, što raskazvaŭ Paciomkin u 2016 hodzie:
«Siaredni ŭzrost narkamana — kala 19-20 hadoŭ. I takich pieravažnaja bolšaść. Heta chłopcy, jakija jašče tołkam nie vyznačylisia ŭ žyćci i nie razumiejuć, što jany robiać sa svajoj budučyniaj. Dla mnohich heta było i zastajecca viasiołaj hulnioj, z nastupstvami jakoj zmanliva možna spravicca. Mała tych, chto pasprabavaŭ adzin raz i admoviŭsia ad zhubnaj prychilnaści. Byvajuć, što narkatyčnymi srodkami zachaplajucca i dziaŭčaty, na ščaście, takich vypadkaŭ niašmat. Ja bačyŭ chłopcaŭ, jakija płačuć, uśviadomiŭšy, što narabili. Škada, što heta razumieńnie prychodzić tolki paśla taho, jak sudździa vynosić surovy prysud».
Ciapier suvory prysud vynieśli samomu Paciomkinu.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary