Značna spraščajucca ŭmovy licenzavańnia: u pryvatnych miedcentrach dazvolać pracavać daktaram usich katehoryj
Alaksandr Łukašenka 2 vieraśnia padpisaŭ ukaz №326 «Ab udaskanaleńni licenzavańnia», jaki nakiravany na likvidacyju zališniaha rehulavańnia ŭ śfiery licenzavańnia i spraščeńnie patrabavańniaŭ, što pradjaŭlajucca da tych, chto atrymlivaje licenziju na svaju dziejnaść, paviedamili BiełTA ŭ pres-słužbie prezidenta.
Ukazam zabaraniajecca prypyniać i spyniać dziejańnia licenzii za niaznačnyja parušeńni i farmalnyja praviny. Ukazam zamacoŭvajucca i inšyja asnoŭnyja pryncypy, na asnovie jakich pavinna ažyćciaŭlacca licenzavańnie: heta i vyčarpalny pieralik licenzijnych umoŭ z ulikam ich razumnaści, suraźmiernaści i ekanamičnaj abhruntavanaści, i maksimalnaje vykarystańnie infarmacyjnych technałohij pry ŭzajemadziejańni dziaržorhanaŭ ź licenzijatami.
Z 1 kastryčnika 2019 hoda admianiajecca licenzavańnie asobnych vidaŭ dziejnaści. Tak, praduhledžana admova ad licenzavańnia dyjahnostyki, prafiłaktyki zachvorvańniaŭ i lačeńnia žyvioł, achovy jurydyčnaj asobaj svaich rabotnikaŭ i majomaści, patołahaanatamičnaj dyjahnostyki, handlu srodkami supraćpažarnaj abarony, aptovaha i roźničnaha handlu mazutam i naftabitumami, zachoŭvańnia i pryjomu ŭ zakład kaštoŭnych mietałaŭ i kamianioŭ, tranślacyi televizijnych prahram i efirnaj tranślacyi hukavych prahram.
Dla raźvićcia ekspartu miedycynskich pasłuh, pavyšeńnia dastupnaści płatnych miedycynskich pasłuh istotna spraščajucca patrabavańni da ažyćciaŭleńnia hetaha vidu dziejnaści, u tym liku źnižajucca patrabavańni da stažu miedycynskich rabotnikaŭ, vyklučajecca nieabchodnaść najaŭnaści ŭ štacie niedziaržaŭnych arhanizacyj achovy zdaroŭja lekaraŭ tolki pieršaj i vyšejšaj kvalifikacyjnaj katehoryi.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB26
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary