Andrej Kim, Siarhiej Parsiukievič i Alaksandr Kazulin raspaŭsiudzili zajavu.
Andrej Kim, Siarhiej Parsiukievič i Alaksandr Kazulin patrabujuć nieadkładnaha vyzvaleńnia vaŭkavyskich pradprymalnikaŭ Mikałaja Aŭtuchoviča, Juryja Lavonava i Uładzimira Asipienki.Pra heta havorycca ŭ zajavie, raspaŭsiudžanaj imi 10 lutaha.
8 lutaha 2009 hoda bajcy śpiecpadraździaleńnia MUS «Ałmaz» zatrymali byłych palitźniavolenych M.Aŭtuchoviča i Ju.Lavonava, vyzvalenych letam hetaha hoda pad ciskam mižnarodnaj hramadskaści, havorycca ŭ zajavie. Treciaj achviaraj milicejskaha samavolstva staŭ U.Asipienka — supracoŭnik firmy, dzie pracavaŭ M.Aŭtuchovič.
«Vystaŭlenyja Lavonavu, Aŭtuchoviču i Asipienku abvinavačańni absurdnyja i nie vytrymlivajuć nijakaj krytyki. Heta pryznaŭ navat były supracoŭnik milicyi, padpał doma jakoha śledstva sprabuje pastavić im u vinu. Vidać, što adkaznaść za vybuch u stalicy ŭłada poŭnaściu vyrašyła ŭskłaści na apazicyju. Hety aryšt — plavok u tvar aficyjnaj Jeŭropie i dobraja demanstracyja hetak zvanaj «libieralizacyi», — ličać byłyja palitźniavolenyja.
Jany zaznačajuć, što pad kryminalnym pieraśledam pa‑raniejšamu znachodziacca 14 maładych ludziej, udzielnikaŭ mitynhu pradprymalnikaŭ minułaj zimoj; byłyja palitźniavolenyja pa‑raniejšamu abmiežavanyja ŭ svaich hramadzianskich pravach, nichto ź ich nie reabilitavany; pad pahrozaj žyćcio amierykanskaha hramadzianina Emanuiła Zielcera, jaki znachodzicca ŭ balnicy ŭ biełaruskaj turmie, a jaho advakaty ŭžo paŭhoda nie mohuć atrymać prysud na ruki, kab jaho abskardzić; aktyvistaŭ apazicyi prymusova pryzyvajuć u armiju.
«Supracoŭnictva z hetym režymam nie tolki amaralnaje, ale i niebiaśpiečnaje. Jeŭrapiejski biźnies i aficyjny Brusiel pavinny pamiatać, što hulnia z čałaviekam biez pryncypaŭ zaŭsiody idzie zhodna ź jaho praviłami. I nastupnaj achviaraj moža apynucca kožny, niezaležna ad koleru jaho pašparta», — zaznačajuć byłyja palitźniavolenyja.
U suviazi z hetym jany patrabujuć nieadkładnaha vyzvaleńnia M.Aŭtuchoviča, Ju.Lavonava i U.Asipienki, pieradačy E.Zielcera ŭ ruki amierykanskaha pravasudździa, spynieńnia «nasilnaj daktyłaskapii respublikanskaha maštabu» i «ahladu hvałtoŭna pryzvanych va Uzbrojenyja siły Biełarusi hramadskich aktyvistaŭ mižnarodnymi ekśpiertami»,adnaŭleńnia ŭsich palitźniavolenych u ich hramadzianskich i majomasnych pravach i admieny represiŭnych prysudaŭ pa «spravie čatyrnaccaci».
«My spadziajemsia na salidarnuju reakcyju amierykanskaj i jeŭrapiejskaj dypłamatyi ŭ suviazi z hrubymi parušeńniami biełaruskim bokam uzajemnych damoŭlenaściej», — zaznačajuć A.Kazulin, A.Kim i S.Parsiukievič.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary