U redakcyju ahienctva «Minsk-Naviny» źviarnulisia čytačy, jakim napiaredadni siezona prastud patrebnyja mienavita «Fiervieks», «Kołdreks» i «Teraflu», a nie ich anałahi. Ale hetych lekaŭ jany nie mohuć znajści.
Situacyju patłumačyli ŭ Ministerstvie achovy zdaroŭja.
— Rehistracyja «Fiervieks» u Biełarusi zaviaršyłasia ŭ 2017-m, — raspaviała načalnik upraŭleńnia farmaceŭtyčnaj inśpiekcyi i arhanizacyi lekavaha zabieśpiačeńnia Natalla Małaška. — Adsutnaść preparata ŭ najaŭnaści kaža pra toje, što vytvorca prosta syšoŭ z našaha rynku. Napeŭna, jamu jon nie cikavy pa abjomach prodažaŭ. Źjavilisia i kankurenty — ajčynnyja anałahi. Jakija leki jašče cikaviać?
— «Kołdreks».
— Rehistracyja tabletak skončyłasia jašče ŭ 2013 hodzie, z taho času tabletkavyja formy hetaha preparata nie pradavali ŭ aptekach, a kali byli, to reštki. Rehistracyja «Kołdreks MaksHryp» (parašok dla padrychtoŭki rastvoru) u Biełarusi skončyłasia ŭ studzieni 2019-ha. Mahčyma, u astatku jašče jość u rehijonach. Zvyčajna paŭtornaja pracedura zajmaje kala troch miesiacaŭ. Pakul što novaj rehistracyi niama. Mahčyma, kampanija-vytvorca pakinuła naš rynak. My nie možam paŭpłyvać na jaje rašeńnie.
— «Teraflu» taksama niama ŭ prodažy.
— Rehistracyja preparata ŭ vyhladzie paraška zaviaršyłasia ŭ žniŭni 2018-ha, ale lakarstva prajšło pierarehistracyju, ciapier jana biesterminovaja. Mahčyma, da siezona prastud i hrypu preparat źjavicca. Ciapier u aptekach jość jaho raznavidnaść — antysieptyk miascovaha dziejańnia dla lačeńnia infiekcyj połaści rota i hłotki.
Na Šry-Łancy ŭ 37 hadoŭ pamior biełaruski kinapradziusar Andrej Matałyha3
Kamientary