Viaskoviec skraŭ u susieda elektrainstrumient — i staŭ invalidam
Zdaryłasia historyja ŭ v. Haradziłava, što ŭ Maładziečanskim rajonie, paviedamlaje abłasnaja milicyja.
Siabroŭstva dvuch tavaryšaŭ skončyłasia sumna. Pryčym stratu darahoha elektrainstrumienta 60-hadovy haspadar zaŭvažyŭ nie adrazu. U milicyju jon źviarnuŭsia ŭžo praź niekalki dzion paśla złačynstva. Skradzienyja vuhłašlifmašynku i elektradryl acaniŭ u 250 rubloŭ.
Milicyja vyśvietliła, što elektrainstrumienty vykraŭ 63-hadovy adnaviaskoviec, jaki čaściakom zaziraŭ u hości. Mužčynu zatrymali pa miescy žycharstva. Jon nie staŭ admaŭlać svajoj viny. A taksama raspavioŭ, što niejak zaŭvažyŭ u tavaryša na vierandzie elektraabstalavańnie i vykraŭ jaho, kali haspadara nie było doma.
Elektradryl pramianiaŭ na vypiŭku, a šlifavalnaj mašynkaj padzialiŭsia z ahulnym znajomym.
U dačynieńni da 63-hadovaha mužčyny raspačali kryminalnuju spravu pa artykule «Kradziež» i aštrafavali na 765 rubloŭ.
Voś tolki historyja na hetym nie skončyłasia, i incydent atrymaŭ dalejšaje raźvićcio. Ciapier užo pad abvinavačvańniem znachodzicca haspadar elektrainstrumienta, jaki padazrajecca ŭ naniasieńni ciažkich cialesnych paškodžańniaŭ.
«Vyśviatlajučy adnosiny paśla kradziažu, mužčyna ŭdaryŭ kryŭdziciela kułakom u tvar. Pastupiŭ tak, jak śćviardžaje sam, z asabistaj niepryjaznaści, pačuŭšy na svoj adras niecenzurnuju łajanku. U vyniku ŭdaru supiernik atrymaŭ traŭmu, jakaja ŭ dalejšym pryviała da straty zroku na pravym voku.
Ciapier jamu pahražaje da vaśmi hadoŭ źniavoleńnia (naŭmysnaje pryčynieńnie ciažkaha cialesnaha paškodžańnia).
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary